.

سعودی عرب: ہراسانی سمیت مختلف جرائم میں ملوث 22 ملزمان گرفتار

پہلی اشاعت: آخری اپ ڈیٹ:

سعودی عرب کے پبلک پراسیکیوٹر نے بتایا ہےکہ دارالحکومت الریاض کی ایک رہائشی کالونی سے دو لڑکیوں کو گاڑی کی ٹکر مار کر فرار ہونے کی کوشش کرنے والے ملزم کو پکڑ لیا گیا ہے۔

پراسیکیوٹر کا کہنا ہے کہ ایک دوسرے ملزم کو مرکزی شاہراہ پر ایک خاتون کو ہراساں کرنے کے الزام میں گرفتار کیا گیا۔ ملزم کی شناخت ایک ویڈیو میں کی گئی۔

اس کے علاوہ مختلف ممالک سے تعلق رکھنے والے 10 ملزمان کو اقامہ کے قانون کی خلاف ورزی پر گرفتار کیا گیا۔ ان ملزمان پر زیرتعمیر عمارت سے سامان چوری کرنے کا بھی الزم عاید کیا گیا ہے۔

یمن سے تعلق رکھنے والے چار ملزمان کو غیر قانونی طریقے سے رقوم جمع کرنے اور سرحدی سیکیورٹی سسٹم کی خلاف ورزی پر پکڑا گیا۔ ان کے قبضے سے 548,270 ہزار ریال کی رقم بھی قبضے میں لی گئی ہے۔

ایک شامی کو جنسی ہراسانی کے اشاروں پر مشتمل ویڈیو نشر کرنے کے الزام میں گرفتار کیا گیا۔ چار افراد کو آگ لگانے کے الزام میں پکڑا گیا ہے۔