اسرائیلی وزیر خارجہ یائر لپید جمعرات کے روز تاریخ ساز دورے پر بحرین کے دارالحکومت منامہ پہنچے ہیں۔ بحرین اور اسرائیل کے درمیان گزشتہ سال سفارتی تعلقات کے قیام کے بعد یہ کسی اسرائیلی وفاقی وزیر کا پہلا دورہ بحرین ہے۔
اسرائیلی وزیر خارجہ دورہ بحرین کے دوران منامہ میں اسرائیل کے سفارتخانے کا افتتاح اور اپنے بحرینی ہم منصب سے ملاقات کریں گے۔
اسرائیلی وزارت خارجہ کے ایک ترجمان کے مطابق اسرائیل کے چوٹی کے سفارتکار اس دورے کے دوران پانچ مختلف معاہدوں پر دستخط کریں گے جن میں ہسپتالوں، پانی اور بجلی کی پیداوار میں باہمی تعاون کے معاہدے شامل ہیں۔
ترجمان کے مطابق "بحرین معیشت اور ٹیکنالوجی کے میدان میں اسرائیل سے خصوصی تعاون چاہتا ہے اور وزیر خارجہ کے دورہ منامہ کے دوران ان شعبوں میں تعاون کے منصوبوں پر بھی دستخط کئے جائیں گے۔"
اسرائیل اور بحرین کے درمیان اب تک 12 منصوبوں پر دستخط کر چکے ہیں جن میں ٹرانسپورٹ، زراعت، ابلاغیات اور معیشت میں تعاون شامل ہے۔
اس مقوع پر بحرین کی سرکاری ائیر لائن' گلف ائیر' جمعرات کے روز تل ابیب کے لئے پہلی اڑان بھرے گی۔
بحرین اور متحدہ عرب امارات نے گزشتہ سال کے دوران امریکا کی ثالثی میں اسرائیل سے سفارتی تعلقات کے قیام کا معاہدہ کیا تھا۔
اسرائیلی ترجمان کا مزید کہنا تھا کہ "ہم بحرین کو باہمی تعاون اور خطے کے دیگر ممالک سے تعلقات کے قیام کے حوالے سے اہم پارٹنر سمجھتے ہیں۔
-
بحرین اور امارات سے تعلقات کے ثمرات سمیٹ رہے ہیں: اسرائیل
اسرائیلی وزیر اعظم نفتالی بینیٹ نےباور کرایا ہے کہ متحدہ عرب امارات اور بحرین کے ساتھ تعلقات کے نتیجے میں ہم نے بہت سے ثمرات حاصل کیے ہیں۔انہوں نے ... مشرق وسطی -
بحرین میں اسرائیل کے پہلے سفیر کا تقرر
اسرائیل نے بحرین کے ساتھ معمول کے تعلقات استوار کرنے کے ایک سال بعد منامہ میں اپنے پہلے سفیر کا تقرر کر دیا ہے۔اسرائیل نے متحدہ عرب امارات میں اپنے ... مشرق وسطی -
بحرین امن پالیسی سے متعلق اسرائیل کی نئی حکومت سے رابطے میں ہے: وزیر خارجہ
بحرین کے وزیرخارجہ عبداللطیف الزیانی نے کہا ہے کہ ان کا ملک اسرائیل کی نئی حکومت سے خطے میں اس کی امن پالیسی کے بارے میں جاننے کے لیے رابطے میں ہے ... مشرق وسطی
