مسجد حرام: مطاف میں عمر رسیدہ اور معذور افراد کے لیے علاحدہ ٹریک مختص

حرمین شریفین کے امور کی انتظامیہ نے مطاف میں عمر رسیدہ اور معذور افراد کے ٹریک کو علاحدہ کرنے کا منصوبہ تیار کیا ہے۔ اس مقصد کے لیے سنہرے رنگ کی رکاوٹوں کا استعمال کیا جائے گا۔

انتظامیہ کے مطابق اس اقدام کا مقصد مطاف کے ٹریکس کو زیادہ منظم بنانا اور احتیاطی اقدامات پر عمل درامد کو یقینی بنانا ہے۔

مسجد حرام میں مجمع کو منظم کرنے والی انتظامیہ کے سینئر ذمے دار انجینئر اسامہ الحجیلی کے مطابق انتظامیہ نے متعدد زمینی تحقیقی مطالعے انجام دیے جن کا مقصد مسجد حرام میں آمد و رفت کے نظام کو آسان اور منظم بنانا ہے۔