پیٹ میں ڈیڑھ کلو کوکین چھپا کرسعودی عرب اسمگل کرنے کی کوشش ناکام

سعودی عرب میں کسٹمز حکام نے جمعہ کے روز بیرون ملک سے کوکین اسمگل کرنے کی سازش ناکام بناتے ہوئے دو ملزمان کو گرفتار کر لیا ہے۔

کسٹمز، ٹیکس و زکوۃٰ اتھارٹی کی طرف سے جاری ایک بیان میں بتایا گیا ہے کہ دو الگ الگ کارروائیوں میں دو مسافروں سے ڈیڑھ کلو گرام کوکین قبضے میں لی گئی۔ یہ کوکین دونوں مسافراپنے پیٹ میں چھپا کر سعودی عرب لا رہے تھے۔

اتھارٹی نے بتایا کہ شاہ خالد انٹرنیشنل ایئر پورٹ پر کسٹم انسپکٹر نے ایک مسافر کے معائنے اور تلاشی کا حکم دیا۔ تلاشی کے دوران مسافر کے پیٹ سے اس نے اپنی آنتوں میں 855 گرام کوکین پر مشتمل 91 کیپسول ملے۔

انہوں نے مزید کہا کہ جدہ اسلامک پورٹ پر 658 گرام سے زائد کوکین اسمگل کرنے کی کوشش بھی ناکام بنا دی۔ یہ کوکین بندرگاہ کے ذریعے آنے والے مسافر کی آنتوں میں چھپائی گئی تھی۔ اس طرح سے پکڑی گئی کوکین کی کل مقدار 1.5 کلو گرام سے زیادہ ہو گئی۔