.

سعودی عرب : مکمل گنجائش کے ساتھ تقریبات کی اجازت، شادی ہالزمیں تیاریاں شروع

پہلی اشاعت: آخری اپ ڈیٹ:

سعودی عرب میں تقریبات (شادی وغیرہ) کے انعقاد کے ہالوں نے کل اتوار کے روز سے بکنگ کی وصولی کے لیے تیاریاں شروع کر دی ہیں۔ توقع ہے کہ آئندہ عرصے کے دوران میں بکنگ کا تناسب زیادہ رہے گا۔ کرونا کی وبا کے سبب ہالوں میں تقریبات کا انعقاد روک دیا گیا تھا۔

مکہ مکرمہ میں تقریبات کے ایک ہال میں سرمایہ کاری کرنے والے ممدوح العمیری نے العربیہ ڈاٹ نیٹ کو بتایا کہ ان ہالوں کا ایک رات کا کرایہ 15 ہزار ریال سے لے کر تقریبا 80 ہزار ریال تک ہوتا ہے۔ ہالوں کے حجم اور ان میں پیش کی جانے والے خدمات کے لحاظ سے نرخ مختلف ہوتے ہیں۔

ایک شادہ ہال میں بکنگ کے ذمے دار زکریا محمد نے واضح کیا کہ وزارت داخلہ کی جانب سے متعلقہ نوٹیفکیشن سامنے آنے کے بعد ہالوں نے صفائی اور دیگر انتظامات شروع کر دیے ہیں۔ اس طرح اب مکمل گنجائش کے ساتھ پھر سے تقریبات کے انعقاد کی تیاریاں جاری ہیں۔

تجزیہ کاروں کے مطابق شادی ہالوں کی مارکیٹ میں گاہکوں کو کشش دلانے کے لیے بھرپور مسابقت دیکھنے میں آئے گی۔ اس حوالے سے خصوصی رعائتی پیکجز بھی پیش کیے جائیں گے۔

اس پیش رفت کے ساتھ ڈیکوریشن اور پھولوں کی دکانوں میں بھی تجارتی سرگرمیوں کا تناسب بڑھ جائے گا۔ اس کے علاوہ کیٹرنگ کے کاروبار میں بھی یک دم تیزی دیکھی جا سکے گی۔

مقبول خبریں اہم خبریں