.

کویت کی آئل ریفائنری میں دھماکا، عمارت میں آتشزدگی

پہلی اشاعت: آخری اپ ڈیٹ:

عینی شاہدین اور سوشل میڈیا رپورٹس کے مطابق کویت کی میناء الاحمدی ریفائنری میں دھماکے کے بعد آگ لگ گئی۔

کویت کی سرکاری پٹرولیم کمپنی [KNPC] کے مطابق "آگ بجھانے کے لئے فائر فائٹنگ عملہ موقع پر پہنچ گیا ہے اور آگ پر قابو پانے کی کوشش کی جا رہی ہے۔حادثے میں کسی جانی نقصان کی اطلاعات نہیں ہیں۔"

سماجی رابطوں کی ویب سائٹ پر صارفین کے مطابق ریفائنری کی عمارت سے دھماکے کی آواز سنی گئی جس کے بعد دھواں اور آگ کی لپٹیں بھی دکھائی دی گئی۔

KNPC کی ٹوئٹ کے مطابق "عمارت کے متاثرہ حصے اور اس کو جانے والی تمام تیل کی پائپوں کو سیل کر دیا گیا ہے اور ریفائنری کی فائر بریگیڈ آگ پر قابو پانے کی کوشش کر رہی ہے۔ ریفائنری کے دیگر شعبوں کو اس آتشزدگی کے باعث فرق نہیں پڑا ہے۔"

اس سے قبل پچھلے ماہ کے دوران KNPC نے اعلان کیا تھا کہ میناء الاحمدی ریفائنری میں توسیعی منصوبے کے تحت ریفائنری کی پیداوار 3 لاکھ 46 ہزار بیرل فی دن تک بڑھائی جائے گی۔