.

سعودی وزیر خارجہ کا امریکی ایلچی سے خطے میں ایرانی ملیشیاؤں کے خطرے پر تبادلہ خیال

پہلی اشاعت: آخری اپ ڈیٹ:

کل بدھ کو سعودی عرب کے وزیر خارجہ شہزادہ فیصل بن فرحان نے الریاض میں امریکی خصوصی ایلچی برائے ایران رابرٹ مالے سے ایرانی حمایت یافتہ ملیشیاوٗ کے خطے اور دنیا کے استحکام کے لیے خطرے اور ان کے لیے تہران کی حمایت کو روکنے کی مشترکہ کوششوں کی اہمیت پر تبادلہ خیال کیا۔

سعودی عرب کی پریس ایجنسی ’ایس پی اے‘ کے مطابق ایران کے لیے امریکی ایلچی نے کل بدھ کو ریاض میں سعودی وزیر خارجہ سے ان کے دفتر میں ملاقات کی۔

دونوں رہ نماؤں کے درمیان ملاقات میں دو طرفہ تعاون کے فروغ، ایران کے متنازع جوہری پروگرام اور اس حوالے سے عالمی مذاکراتی کوششوں پر تبادلہ خیال کیا۔

پریس ایجنسی کے مطابق وزیرخارجہ شہزادہ فیصل بن فرحان اور امریکی ایلچی کے درمیان ہونے والی بات چیت میں ایران کو عالمی معاہدوں کی خلاف ورزی سے باز رکھنے کے لیے مشترکہ کوششوں پر اتفاق کیا۔