پٹرول پمپ میں لگی آگ بجھانے کی کہانی ، سعودی سیکورٹی اہل کار کی زبانی

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

سعودی عرب کے شمالی صوبے الجوف میں ایک فیول اسٹیشن پر لگی آگ بجھانے والے سعودی سیکورٹی اہل کار ثامر الناوی نے العربیہ ڈاٹ نیٹ سے گفتگو کرتے ہوئے اپنی دلیرانہ کارروائی پر روشنی ڈالی۔ یہ واقعہ منگل کی صبح پیش آیا تھا۔ سوشل میڈیا پر واقعے کی سی سی ٹی وی فوٹیج گردش میں آنے پر لوگوں کی ایک بڑی تعداد نے ثامر کے اقدام کو سراہا۔ اس ہمت و شجاعت نے اسٹیشن کو ممکنہ طور پر ایک بڑی تباہی سے بچا لیا۔

سعودی سیکورٹی اہل کار ثامر الناوی کے مطابق منگل کی صبح وہ الجوف کے ہوائی اڈے پر اپنی ملازمت کی انجام دہی کے واسطے نکلا تھا۔ راستے میں ایک فیول اسٹیشن پر ٹھہر کر ثامر وہاں ایک تجارتی مرکز میں داخل ہو گیا۔ اس دوران ایندھن بھروانے والی ایک گاڑی کا مالک پائپ نکالے جانے سے قبل ہی چل پڑا۔ اس کے نتیجے میں پٹرول پمپ کی مشین کا "کارٹرج" کھنچتا چلا گیا اور اس میں آگ لگ گئی۔

ثامر نے بتایا کہ وہ اس صورت حال کو دیکھ کر اسٹیشن پر موجود " آگ بجھانے والے آلے" کی جانب دوڑا اور اسے لے کر ایک پمپ مشین میں بھڑکتی آگ کو بجھانے کی کوشش کی۔ چند منٹوں کے بعد وہ آگ بجھانے میں کامیاب ہو گیا۔ واقعے میں کوئی جانی نقصان نہیں ہوا ما سوائے ایک ایندھن پمپ مشین کے جو جل کر تباہ ہو گئی"۔

مقبول خبریں اہم خبریں

مقبول خبریں