"او آئی سی‘ نے ’ایکسپو2030‘ کی الریاض کی میزبانی میں انعقاد کی حمایت کردی

اسلامی تعاون تنظیم’او آئی سی‘ کے سیکرٹری جنرل ڈاکٹر یوسف بن احمد العثیمین نے سعودی عرب کی مملکت کی جانب سے ریاض کو ورلڈ ایکسپو 2030 کی میزبانی کے لیے نامزد کرنے کی درخواست کی حمایت کی ہے۔

خیال رہےکہ حال ہی میں سعودی عرب کے ولی عہد اور ریاض کے رائل کمیشن کے بورڈ آف ڈائریکٹرز کے چیئرمین شہزادہ محمد بن سلمان بن عبدالعزیز نے ایکسپو2030ء کی سعودی عرب کی میزبانی کی منعقد کرنے کی درخواست دی تھی۔

’او آئی سی‘ کے سکریٹری جنرل نے ایک بیان میں کہا کہ مملکت کی جانب سے بین الاقوامی ایکسپو کی میزبانی سعودی عرب کے وژن 2030 کے مقاصد کے حصول کے لیے کی جانے والی عظیم کوششوں اور اس کے نتائج کا براہ راست جائزہ ہوگی۔ان کا کہنا تھا کہ سعودی عرب کے پاس ایکسپو جیسے عالمی اور تاریخی ایونٹ کے انعقاد کی پوری صلاحیت اور استعداد موجود ہے۔ یہ اعلان اس لیے بھی اہم ہے کہ سعودی عرب اس وقت عالمی سطح پر توجہ کا مرکز اور بین الاقوامی تہذیبوں کے ملاپ کا مقام بن چکا ہے۔

العثیمین نے زور دے کر کہا کہ مُملکت حالیہ عرصے میں دُنیا کے لیے ایک قبلہ کی حیثیت رکھتا ہے۔ مُملکت کی قیادت میں کئی ورچوئل اور دوسرے اہم اجلاسوں کی صدارت کرچکی ہے جس کے بعد سعودی عرب ایکسپو کی عالمی نمائش کے انعقاد کی پوری صلاحیت رکھتا ہے۔