سعودی عرب کے دارالحکومت الریاض میں جاری رنگا رنگ تفریحی پروگرام ’ریاض سیزن‘ کے زیراہتمام آج جمعرات سے ایک ایسا تفریحی اور معلوماتی پروگرام بھی شروع کیا جا رہا ہے جس میں زائرین کو جدید ٹائم مشین کے ذریعے لاکھوں سال قبل کرہ ارض میں پائے جانے والے ڈائنوسار اور ان کے دور میں زمین پر زندگی کے بارے میں جان کاری فراہم کی جائے گی۔
"ڈائنوسار ورلڈ" ایونٹ آج بروز جمعرات کے روز "ریاض سیزن" کے ایک حصے کے طور پر"ریاض سٹی بلیوارڈ" کے علاقوں میں سے ایک "سٹوڈیو" کے علاقے میں شروع ہوگا۔
اس تقریب میں زائرین کو 67 ملین سال قبل زمین پر پائے جانے والے دیو ہیکل ڈائنوسار کے دور کی زندگی کے بارے میں جان کاری کا موقع فراہم کیا جائےگا۔ یہ 70 منٹ کا تجربہ ایک عظیم ترین سفاری پر جانے سے کم نہیں۔
ٹیکنالوجی کے ذریعے زائرین تقریب کی "ٹائم مشین" پر سوار ہونے والے دوروں کے ایک گروپ میں تقریباً سفر کریں گے جس میں 38 افراد تک بیٹھ سکتے ہیں۔ ہر سفر کا دورانیہ تقریباً 12 منٹ کا ہوگا۔ ایک ایسے تجربے میں جو زندہ ڈائنوسار سے ملنے اور پتھر کے زمانے کے میدانوں میں گھومنے کی عکاسی کی گئی ہے۔
ڈائنوسار کی دنیا میں زائرین کا سفر 360° تھیٹر میں شو دیکھنے سے شروع ہوگا جس کے بعد وہ ایک خصوصی لیب میں سائنسی تجربات کر سکتے ہیں۔ پھر وہ ڈائنوسار پارک کی سیر کریں گےاور ڈائنوسار کی زندگی کے مراحل کے بارے میں جان سکیں گے۔
یہ تقریب اپنے مہمانوں کو انگریزی میں ڈائنوسار کی دنیا کے دو ادوار میں متعارف کراتی ہے۔ پہلا شام 5 بجے اور دوسرا رات 8 بجےہوگا۔ وہاں واقع سووینئر شاپ پر خریداری کی سہولت بھی دستیاب ہے۔
"ریاض سٹی بلیوارڈ" سب سے اہم تفریحی مقام اور "ریاض سیزن 2021" ایونٹس کا سب سے بڑا علاقہ ہے۔ اس علاقے میں کئی تفریحی مقامات، شاپنگ اسٹورز، گیم سینٹرز، سنیما، ریستوران ، کیفے، ان ڈور اور آؤٹ ڈور سیشنز کے علاوہ خاندانوں اور انفرادی طورپر زائرین کے لیے تھیٹر کی پرفارمنس اور ایک مختلف میوزیکل ماحول فراہم کرتا ہے۔
