.

سعودی خواتین کھلاڑیوں نے عرب بیڈمنٹن کپ کے سیمی فائنل کے لیے کوالیفائی کر لیا

پہلی اشاعت: آخری اپ ڈیٹ:

سعودی خواتین کی بیڈمنٹن ٹیم کی دو کھلاڑیوں "ھیا المدرع اور "رنا ابو حربش" نے عرب بیڈمنٹن کپ چیمپئن شپ کےدہرے مقابلوں کے سیمی فائنل کے لیے کوالیفائی کر لیا۔ انہوں نے متحدہ عرب امارات کی قومی ٹیم کی جوڑی کوثر الصائغ اور بشری نجار کو 2/0 کے اسکور سے شکست دے کر فائنل میں جگہ بنا لی۔

بحرین کے دارالحکومت منامہ کی میزبانی میں منعقد ہونے والے اس ٹورنامنٹ اور الاخضر کے دو نمائندہ ٹورنامنٹ کے سیمی فائنل میں اپنے اپنے ہم حریفوں کے خلاف مقابلہ کرنے کی تیاری کر رہے ہیں۔ان میں اردن کی قومی ٹیم کی دو کھلاڑی بھی شامل ہیں۔

خیال رہے کہ یہ سعودی خواتین کی بیڈمنٹن ٹیم کی عرب دنیا میں اپنی نوعیت کی پہلی شرکت ہےجس سے سعودی بیڈمنٹن فیڈریشن میں خواتین کے کھیلوں میں دلچسپی اور حمایت کی عکاسی ہوتی ہے۔

سعودی خواتین کی ٹیم کی کھلاڑی ھیا المدرع نے ٹورنامنٹ میں اپنی شرکت پر خوشی کا اظہار کیا۔ انہوں نے سعودی عرب کی حکومت اور وزارت کھیل کی طرف سے کھلاڑیوں کو فراہم کردہ تعاون، دلچسپی اور ترقی پرحکومت اور فیڈریشن کا شکریہ ادا کیا۔

قابل ذکر ہے کہ سعودی عرب کی قومی بیڈمنٹن ٹیم کا وفد 13 سے 15 نومبر کے دوران بحرین کے دارالحکومت منامہ کی میزبانی میں ہونے والے عرب بیڈمنٹن کپ میں شرکت کے لیے شاہ خالد انٹرنیشنل ایئرپورٹ سے روانہ ہوا۔

اس مقابلے میں عرب ممالک کا ایک گروپ حصہ لے رہا ہے جن میں عراق، مصر، اردن، شام، عمان، بحرین ، متحدہ عرب امارات، لبنان، سعودی عرب اور کویت شامل ہیں۔