.

مسجد نبوی (ﷺ) میں فرض نماز کے لیے اجازت نامے کی شرط ختم

پہلی اشاعت: آخری اپ ڈیٹ:

سعودی عرب میں وزارت حج و عمرہ نے مسجد نبوی میں نماز کے لیے شرائط کا اعلان کیا ہے۔ وزارت نے باور کرایا ہے کہ اس کے واسطے "اعتمرنا" ایپلی کیشن کے ذریعے اجازت نامے کے اجرا یا وقت لینے کی ضرورت نہیں رہی۔

البتہ اس سلسلے میں "توکلنا" ایپلی کیشن کی شرط درکار ہو گی۔ مسجد نبوی میں داخلے کے خواہش مند کے لیے کرونا کی دو خوراکیں پوری کرنے یا کرونا سے مکمل صحت یاب ہونے یا پھر ایک خوراک کے بعد 14 روز مکمل کر لینے کی شرط پوری کرنا ضروری ہو گا۔ یہ بات آج سعودی عرب کے عربی اخبار "عکاظ" نے بتائی ہے۔

وزارت نے واضح کیا کہ مسجد نبوی میں فرض نمازوں کے لیے وقت لینے کی ضرورت نہیں ہو گی تاہم روضہ مبارک پر نماز اور روضہ مبارک (صلى الله عليه وسلم) کی زیارت کے لیے "اعتمرنا" ایپ کے ذریعے اجازت نامے کے اجرا کی شرط لازم ہو گی۔

وزارت کے مطابق مسجد نبوی میں داخلہ "توکلنا" ایپلی کیشن کی نشان دہی کے ذریعے بھی عمل میں آ سکتا ہے۔