عرب اتحاد نے ابھاء کی جانب داغے جانے والے دو حوثی میزائل گرا دئیے

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

یمن میں آئینی حکومت کی بحالی کے لئے قائم عرب اتحاد نے سعودی عرب کے جنوب مغربی علاقے ابھاء پر داغے جانے والے دو بیلسٹک میزائل فضاء میں ہی تباہ کر دئیے۔

عرب اتحاد کی جانب سے جاری ایک بیان میں بتایا گیا کہ حوثی باغیوں نے صنعاء ائیرپورٹ کو استعمال کرتے ہوئے سعودی شہریوں کو بیلسٹک میزائل سے نشانہ بنانے کی کوشش کی۔

بیان کے مطابق حوثی ملیشیا نے منگل کے روز صنعاء ائیرپورٹ سے دہشت گرد آپریشن کا آغاز کیا تھا جس کی مزید تفصیلات بعد میں فراہم کی جائیں گی۔

اس سے قبل عرب اتحاد نے ایک پریس ریلیز میں بتایا تھا کہ جازان کے احد المسارحہ صنعتی علاقے میں ایک راکٹ گرا جس کے سبب تین ورکشاپس اور تین شہریوں کی گاڑیوں کو نقصان پہنچا۔

اتحاد نے واضح کیا کہ شہریوں کو نشانہ بنانے کی کسی قسم کی کارروائی بین الاقوامی انسانی حقوق کے قوانین کے خلاف ورزی ہے۔

مقبول خبریں اہم خبریں

مقبول خبریں