سعودی عرب میں کینسر میں مبتلا بچوں کےلیے پینٹنگزکی نیلامی

پہلی اشاعت: آخری اپ ڈیٹ:
مطالعہ موڈ چلائیں
100% Font Size
3 منٹس read

سعودی عرب میں اپنی نوعیت کی پہلی خیراتی نیلامی کے دوران ریاض کے کنگڈم سینٹر میں معززین کی آرٹ پینٹنگز فروخت کے لیے پیش کی گئیں۔ ان پینٹنگز کی فروخت سے حاصل ہونے والی رقم ’سند الخیریہ سوسائٹی فار کینسر‘ کے مریضوں کی مدد کے لیےدی جائے گی۔ پینٹنگز کی اس نیلامی کے لیے’اللہ آپ کی بھلائی کا بہتر صلہ دے‘ عنوان مقرر کیا گیا تھا۔

اس سلسلے میں سند چیریٹیبل سوسائٹی کے اسسٹنٹ فنانشل ریسورسز اینڈ پراجیکٹ ڈیولپمنٹ آفیسر نوف المحمود نے العربیہ ڈاٹ نیٹ کو بتایا کہ سند چیریٹیبل سوسائٹی آمدن کے ذرائع کے تحفظ اور خدمات کی فراہمی برقرار رکھنے کے لیے خیراتی نمائشوں کا انعقاد کرتی ہے۔ ان کا کہنا تھا کہ سعودی عرب میں آن لائن نیلامی کا یہ اپنی نوعیت کا پہلا واقعہ ہے۔ یہ نیلامی سند خیراتی فاؤنڈیشن کے زیر ملکیت الیکٹرانک پلیٹ فارم کے ذریعے منعقد کی گئی ہے جس کی تمام آمدنی سند چیریٹیبل ایسوسی ایشن کے اسپانسر شپ پروگرام میں جائے گی۔

نمائش کا خیال

نوف الحمود نے مزید کہا کہ آن لائن چیریٹی نیلامی کا خیال اس نیلامی سے آیا جو ایسوسی ایشن کی جانب سے ہر سال رمضان کے مہینے میں چیریٹی سحری کی تقریب کے ذریعے منعقد کی جاتی تھی، لیکن کرونا وبا کے بحران اور تقریبات کی معطلی کے بعد احتیاطی تدابیر پر عمل درآمد کی ضرورت کے پیش نظر ایسوسی ایشن نے آن لائن نیلامی کا آئیڈیا پیش کیا جو جمعہ سے 21 دسمبر 2021 تک جاری رہے گی تاکہ دنیا بھر سے آرٹ ورکس کو آن لائن خریدا جا سکے۔

انہوں نے وضاحت کی کہ ان کے فن پاروں میں حصہ لینے والے سینیر ناموں کا ایک انتخاب ہے جنہیں مقامی جائزہ کاروں کے مقرر کردہ خصوصی معیارات کی بنیاد پر منتخب کیا گیا ہے شرکاء میں شہزادہ خالد الفیصل بھی ہیں جن کی پینٹنگ "وادی کی ایک نظر" نیلامی کے لیے پیش کی جائے گی۔ اس کےعلاوہ شہزادہ بدر بن عبدالمحسن، "نیپس" پینٹنگ میں حصہ لینے والے اور مصور لوئی الداؤد "محبت" پینٹنگ کے ساتھ شرکت کریں گے۔ آرٹسٹ احلام الشدوخی "ستر کی دہائی کی نسل" پینٹنگ شامل کی گئی ہے۔

نوف نے تصدیق کی کہ ایسوسی ایشن اس فلاحی کام کے ذریعے اسپانسر شپ پروگرام میں 500 بچوں کی مدد کرتی ہے۔اس تعداد کو سالانہ 700 تک بڑھانے کا مقصد بچوں کے خاندانوں کی مدد کرنا اور بیمار بچوں کے لیے مناسب صحت کی خدمات فراہم کرنا ہے۔

مقبول خبریں اہم خبریں

مقبول خبریں