رواں سال تیسری اور آخری بار چاند عین بیت اللہ کے اوپر ہو گا

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

ماہرین فلکیات کے مطابق کل جمعرات کو صبح صادق کے وقت چاند عین خانہ کعبہ کے برابر اوپر آئے گا اور اس دل فریب منظر کو عام آنکھ سے بھی دیکھا جاسکے گا۔ یاد رہے کہ چاند کا خانہ کعبہ کے اوپر آنے کا یہ ایک سال میں تیسرا اور آخری واقعہ ہو گا۔

سعودی عرب کے ماہر فلکیات اور جدہ میں فلکیاتی ایسوسی ایشن کے سربراہ انجینیر ماجد ابو زاھرہ نے العربیہ ڈاٹ نیٹ سے بات کرتے ہوئے کہا بدھ اور جمعرات کی درمیانی شب 3:23 پر چاند عین خانہ کعبہ کے اوپر ہو گا۔ یہ مسجد حرام میں فجر کی اذان سے 2 گھنٹے 11 منٹ پہلے کا وقت ہو گا۔ اس وقت چاند کی اونچائی 89.54 درجے ہوگی اور چاند کا روشن حصہ 87% ہو گا۔

ابو زاھرہ کا کہنا ہے کہ چاند کا سورج کا خانہ کعبہ کے عین اوپر آنا کعبہ شریف سے دوری پر رہنے والوں کے لیے خانہ کعبہ کی سمت کے تعین اور فلکیاتی حساب کتاب کو درست کرنے میں معاون ثابت ہوسکتا ہے۔

چوبیس گھنٹے میں چاند اوسطا چھ درجے کے حساب سے جھکتا ہے۔ سال میں چاند 12 بار اپنا چکر لگاتا ہے مگر خانہ کعبہ کے عین اوپر آنے کا منظر کم ہی ہوتا ہے۔

مقبول خبریں اہم خبریں

مقبول خبریں