سعودی عرب: نگاہوں کو خیرہ کردینے والی آبشاروں کی خوبصورت وادی

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

سعودی عرب کے جنوب مغرب میں واقع المخوا کے علاقے میں وادی ’ممنا‘ پہاڑوں میں گھری ایک خوبصورت وادی ہے۔ حالیہ بارشوں کے نتیجے میں اس وادی کی خوبصورتی اس وقت اور بھی نکھر سامنے آئی جب پہاڑی چٹانوں پر دوھیا پانی کی آبشاریں بہہ پڑیں۔

نگاہوں کو تازگی بخشنے والی یہ نہریں دور و نزدیک کے لوگوں کی توجہ کا مرکز ہیں اور ان کا قدرتی حسن کسی جادو سے کم نہیں۔

موسم سرما میں وادی ممنا اپنی آبشاروں کی زینت کی بہ دولت ایک قدرتی فن پارے میں تبدیل ہوجاتی ہے جب کہ اس کا سبزہ اس کی شادابی کوچار چاند لگا دیتا ہے۔

ایک مقامی فوٹو گرافر علی الشدوی نے وادی ممنا میں بہنے والی آبشاروں کے مناظر اپنے کیمرے میں محفوظ کیے اور انہیں سوشل میڈیا پر شیئر کیا۔ العربیہ ڈاٹ نیٹ سے بات کرتے ہوئے الشدوی نے کہا کہ یہ آبشار مستقل نہیں بلکہ موسمی ہیں اور موسم سرما کی بارش میں یہ آبشاریں بہہ جاتی ہیں۔

انہوں نے مزید کہا کہ میں بارش کے موسم اور ٹھنڈی ہواؤں کے درمیان سردی کے دلکش ماحول میں وادی میں بہتے ندی نالوں اور اسے بہتے ہوئے آبشاروں میں تبدیل کرنے کے نظارے سے متوجہ ہوا۔ان کا کہنا تھا کہ وادی المخواہ کی خوبصورت وادیوں میں سے ایک ہے۔ یہ پہاڑوں کی زنجیر سے گھرا ہوا ایک خوبصورت مقام ہے۔

انہوں نے مزید کہا کہ یہ وادی بہتے پانی کی کثرت اور زراعت کی کثرت کے لیے مشہور ہے۔ وادی ایک سرسبز و شاداب زرعی علاقہ ہے اور اس میں بارش کا پانی خوبصورتی اور دلفریب طریقے سے بہتا ہے۔

مقبول خبریں اہم خبریں

مقبول خبریں