امارات کے ساتھ تجارتی حجم ایک ارب ڈالر سے تجاوز کر چکا ہے : اسرائیلی صدر

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

اسرائیلی صدر آئزک ہرزوگ نے آج پیر کے روز دبئی میں ایکسپو 2020ء نمائش کا دورہ کیا۔

اس موقع پر انہوں نے بتایا کہ متحدہ عرب امارات کے ساتھ اسرائیل کی تجارت کا حجم اس وقت ایک ارب ڈالر سے تجاوز کر چکا ہے۔

یہ کسی بھی اسرائیلی صدر کا متحدہ عرب امارات کا پہلا دورہ ہے۔

ہرزوگ نے ایکسپو 2020ء کو امارات اور دبئی کی حکومت کے لیے بہت بڑی کامیابی قرار دیا۔

امارات نے اسرائیل کے ساتھ اپنے تعلقات 2020ء کے دوران میں قائم کیے تھے۔ اس کے نتیجے میں دونوں ملکوں کے بیچ تجارت کے حجم میں بڑے پیمانے پر اضافہ ہوا۔

ابوظبی کے ولی عہد شیخ محمد بن زائد آل نہیان نے اتوار کے روز اسرائیلی صدر کا استقبال کیا۔ اس موقع پر شیخ محمد نے کہا کہ امارات اور اسرائیل خطے میں استحکام کے لیے خطرہ بننے والے ذرائع کے حوالے سے مشترکہ موقف رکھتے ہیں۔ دونوں ممالک دہشت گرد ملیشیاؤں اور فورسز کے خلاف سخت موقف اپنانے کی اہمیت کے سلسلے میں مشترکہ فہم کے حامل ہیں۔

مقبول خبریں اہم خبریں

مقبول خبریں