رمضان المبارک کے لیے مسجد حرام میں سب سے بڑے آپریشنل پلان کا افتتاح

پہلی اشاعت: آخری اپ ڈیٹ:
مطالعہ موڈ چلائیں
100% Font Size
3 منٹس read

صدارت عامہ برائے امور حرمین شریفین کے صدر ڈاکٹر عبدالرحمن السدیس نے دو سال کے وقفے کے بعد (2000) خصوصی اجازت نامہ جاری کرکے مسجد الحرام میں افطار کے سفر کی واپسی کا اعلان کیا ہے۔ انہوں نے افطار کے سفر کے لیے طے شدہ طریقہ کار کا اعلان کرتے ہوئے باور کرایا ہے کہ ماہ صیام میں مسجد حرام میں مخصوص شرائط کے تحت اجتماعی افطار کی اجازت ہوگی۔

ان شرائط اور اقدامات کا مقصد حرمین شریفین میں روزہ داروں، نمازیوں، افطار کرنے اور کرانے والوں کی سلامتی کو یقینی بنانا ہے۔

اس کے ساتھ ساتھ ماہ صیام کے دوران جنوبی سرحد پر مملکت کے دفاع میں سرگرم بہادر سپاہیوں تک زم زم کے قافلوں کو یقینی بنانے کے لیے اقدامات کیے جائیں گے۔

انہوں نے حرمین شریفین کی رہ نمائی کا پیغام جاری رکھنے کی اطلاع دی، خاص طور پر رمضان کے بابرکت مہینے میں جہاں صدارت عامہ کی طرف سے مسجد حرام میں علمی اور دینی موضوعات پر لیکچر تیار کیے ہیں جن میں علما کونسل کے8 ممتاز علماء کے دروس شامل ہوں گے۔ انہوں نے مفتی اعظم حفظہ اللہ کی طرف سے حرمین شریفین میں رمضان المبارک کے حوالے سے کیے گئے اقدامات میں رہ نمائی اور حمایت پر ان کا شکریہ ادا کیا۔

یہ بات کل سوموار کو مکہ المکرمہ میں جنرل پریذیڈنسی کے ہیڈ کوارٹر میں قائم مقام وزیر اطلاعات ڈاکٹر ماج القصبی کی موجودگی میں سال 1443 ھ کے رمضان المبارک کے لیے صدارت عامہ کی طرف سے تاریخ کے سب سے بڑے آپریشنل پلان کے افتتاح کے موقع پر سامنے آئی۔

اس موقعے پر ڈاکٹر عبدالرحمان السدیس نے کہا کہ اللہ نے کرونا وائرس جیسے وبائی مرض کے نتیجے میں احتیاطی تدابیر میں نرمی کر کے ہمیں عزت بخشی ہے۔ ہم سب کو یقین دلاتے ہیں کہ صدارت عامہ مسلسل جراثیم کشی اور اسپرے کے کام کے ذریعے ماحولیاتی تحفظ کے حصول کو اسی تیز رفتاری سے جاری رکھے گی تاکہ مقدس مقامات میں آنے والے اللہ کے مہمانوں کی صحت کو یقینی بنایا جاسکے۔

انہوں نے نشاندہی کی کہ صدارت عامہ نے اپنی خدمات میں بہت سے سمارٹ روبوٹس متعارف کرائے ہیں جو معتمرین کو مؤثر طریقے سے خدمات فراہم کرنے میں کردار ادا کرتے ہیں۔ہر وقت خدمات تک رسائی کی سہولت فراہم کرنے کے لیے پوری مسجد حرام میں جگہ جگہ موجود ہیں۔ صدارت عامہ نے اپنی تمام انسانی توانائیاں بروئے کار لائیں۔ تقریباً 12 ہزار مرد و خواتین کارکنان رمضان المبارک کے بابرکت مہینے میں زائرین کی خدمت پرمامور ہوں گے۔

مقبول خبریں اہم خبریں

مقبول خبریں