نئے ڈیزاین سے تیار کردہ حرم مکی کے منبر میں کیا خاص ہے؟

پہلی اشاعت: آخری اپ ڈیٹ:
مطالعہ موڈ چلائیں
100% Font Size

صدارت عامہ برائے امور حرمین شریفین کے صدر الشیخ ڈاکٹر عبدالرحمٰن السدیس نے مسجد الحرام کے نئے ڈیزائن سے تیار کردہ منبر کا افتتاح کیا۔ یہ نیا منبرمسجد حرام کی روحانی کیفیات اور خصوصیات سے ہم آہنگ ہے۔

السدیس نے کہا کہ یہ پلیٹ فارم حرمین شریفین کی دانشمندانہ قیادت کے تعاون سے بنایا گیا تھا۔اس کی تیاری حکومت کی طرف سے مقدس مقامات کی دیکھ بھال اور توجہ کا ایک ثبوت ہے۔ حکومت حرم شریف میں ترقی اور توسیع کے ساتھ ساتھ اللہ کے گھرمیں عبادت کی غرض سے آنے والے فرزندان توحید کی ہرممکن خدمت اور انہیں سہولت فراہم کرنے کے لیے کوشاں ہے۔

مسجد حرام کی روحانیت

صدار عامہ برائے امور حرمین شریفین کے سربراہ الشیخ ڈاکٹر عبدالرحمن السدیس نے مسجد الحرام کے نئے منبر کا اس کی نئی شکل میں افتتاح کیا۔ یہ نیا منبر مسجد حرام کی روحانی خصوصیات سے ہم آہنگ ہے۔

پروجیکٹس اور انجینیرنگ اسٹڈیز کے انڈر سیکریٹری جنرل انجینیر محمد بن سلیمان الوقدانی نے رمضان کے بابرکت مہینے کے پہلے جمعہ کو مسجد حرام کے منبرکے نئے ڈیزائن کا انکشاف کرتے ہوئے کہا کہ نئے منبر کے ڈیزائن کومسجد حرام کے اطراف اور راہداریوں کے مختلف عناصر کے تعمیراتی فلسفے کو مدنظر رکھا گیا تھا۔ اس کی اونچائی (3.4) میٹر اور چوڑائی (1.20) میٹرہے۔ نئے منبر میں جدید صوتی انفراسٹرکچرکے تمام آپریشنل، تکنیکی اور انجینیرنگ پہلوؤں، نقل و حرکت کے طریقہ کار اور دیگرخصوصیات کو مدنظر رکھا گیا ہے۔

اس موقعے پرانجینئرنگ اسٹڈیز اینڈ ریسرچ کے جنرل ایڈمنسٹریشن کے ڈائریکٹر جنرل، جنرل صدر کے دفتر برائے انجینئرنگ، تکنیکی اور آپریشنل امور کے اسسٹنٹ ڈائریکٹر انجینیر عبداللہ الحریقی نے وضاحت کی کہ یہ منبراسلامی تاریخ، اسلامی ثقافت اور مسجد حرام کی موجودہ خوبصورتی کا آئینہ دار ہے۔

انہوں نے مزید کہا کہ منبر کے تصوراتی ڈیزائن کی ترقی بڑی خصوصیات اور مسجد حرام کے اطراف اور راہداریوں پر بکھرے ہوئے جمالیاتی عناصر سے متاثر بہ شمول میناروں کے ہلال،کلام اللہ کے الفاظ، ماربل کی محرابوں کے علاوہ خانہ کعبہ کے نظارے سے مزین ہے۔

مقبول خبریں اہم خبریں