بغداد کی سڑکوں پر گاڑی میں سیر کرتے شیر کی وڈیو وائرل

پہلی اشاعت: آخری اپ ڈیٹ:
مطالعہ موڈ چلائیں
100% Font Size

سوشل میڈیا پر ایک وڈیو کلپ کثرت سے گردش میں آ رہا ہے۔ وڈیو میں ایک شیر عراقی دارالحکومت بغداد کی سڑکوں پر اپنے مالک کی گاڑی کی پچھلی نشست پر سیر سے لطف اندوز ہوتا نظر آ رہا ہے۔ یہ وڈیو کلپ سوشل میڈیا پر عراقی حلقوں میں جنگل کی آگ کی طرح پھیل گیا۔

وڈیو کلپ میں ایک عراقی شہری اپنی گاڑی چلاتا ہوا دکھائی دے رہا ہے جب کہ اس کی پچھلی نشست پر ایک شیر کھڑکی سے اپنا چہرہ اور ہاتھ باہر نکال کر جھانک رہا ہے۔

سوشل میڈیا پر بعض صارفین نے وڈیو میں گاڑی چلاتے شخص پر تنقید کی ہے۔ ان کے مطابق مذکورہ شخص کی یہ حرکت دوسروں کی زندگیوں کو خطرے میں ڈالنے کے مترادف ہے۔ بعض دیگر صارفین نے اسے بے ہودہ مسخرہ پن قرار دیا ہے۔

بعض صارفین نے حکام سے مطالبہ کیا کہ وہ اس معاملے میں مداخلت کر کے گاڑی چلانے والے کی سرزنش کریں۔

مقبول خبریں اہم خبریں