ایمن بن عبدالعزیز ابو عبادۃ جدہ ایئرپورٹ کمپنی کے چیف ایگزیکٹو مقرر

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

ہفتے کے روز سعودی عرب کے شہر جدہ ایئرپورٹ کمپنی کے بورڈ آف ڈائریکٹرز نے کمپنی کے سی ای او ریان الطرابزونی کو برطرف کر کے ان کی جگہ ایمن بن عبدالعزیز ابو عبادۃ کو ان کی ذمہ داریاں سونپ دیں۔

یہ بات ایک غیر معمولی میٹنگ کے دوران ہوئی، جس میں کونسل نے شاہ عبدالعزیز انٹرنیشنل ایئرپورٹ کو گذشتہ دنوں کے دوران درپیش چیلنجز اوران کے ضروری حل پر تبادلہ خیال کیا۔

ایمن ابو عبادۃ کے پاس 28 سال سے زائد عرصے پر محیط وسیع تجریہ ہے۔ وہ بہت سے قائدانہ عہدوں پر فائز رہے ہیں جن میں نمایاں حالیہ ریاض ایئرپورٹ کمپنی میں آپریشنز کے ایگزیکٹو نائب صدر کا عہدہ شامل ہے۔

یہ ذمہ داری جدہ کے ہوائی اڈوں کو شدید تنقید کا سامنا کرنے کے بعد سامنے آئی ہے، جہاں ٹرانسپورٹ اور لاجسٹکس سروسز کے وزیر انجینیر صالح الجاسر نے جنرل اتھارٹی آف سول ایوی ایشن کے صدر کی سربراہی میں فوری تحقیقاتی کمیٹی تشکیل دینے کی ہدایت کی ہے تاکہ وہ جدہ کے شاہ عبدالعزیز بین الاقوامی ہوائی اڈے پر گذشتہ چند دنوں کے دوران مسافروں اور زائرین کے لیے کچھ پروازوں کی تاخیر اور بے قاعدگی کی وجوہات معلوم کرکے اور ذمہ داروں کا تعین کرکے ان کے خلاف ضروری اقدامات کیے جا سکیں۔

مقبول خبریں اہم خبریں

مقبول خبریں