.

اردن میں تاریخی شہر کی یادگاروں سے چھیڑ چھاڑ میں ملوث شخص گرفتار

پہلی اشاعت: آخری اپ ڈیٹ:

اردن کی پبلک سیکیورٹی سروس نے ایک ایسے شخص کی گرفتاری کا اعلان کیا ہے جس نے تاریخی شہر جرش میں آثار قدیمہ کے مقام پر دیواروں اور کالموں کے ساتھ چھیڑ چھاڑ کی تھی۔ اس واقعے پر اردن کے اندر اور باہر شدید رد عمل سامنے آیا ہے۔

اردن میں پبلک سیکیورٹی ڈائریکٹوریٹ کے میڈیا ترجمان کرنل عامر السرطاوی نے بتایا کہ سیکیورٹی فورسزنے واقعے کی تحقیقات جاری رکھیں اور مجرم کی شناخت کے بعد اسے گرفتار کرلیا گیا۔ گرفتار ملزم کو عدالت میں پیش کیا جا رہا ہے تاکہ اس کے خلاف مزید قانونی کارروائی عمل میں لائی جا سکے۔

خیال رہے کہ شمالی اردن کے قدیم شہر جرش کے یادگاری ستونوں پر سیاہ روشنائی سے چاکنگ کی گئی تھی اور انہیں پینٹ کیا گیا تھا۔

اس واقعے نے ملک میں شدید غم و غصے کی لہر دوڑا دی تھی۔ خیال رہے کہ جرش اردن میں ایک تاریخی اور سیاحتی مقام ہے جس کی سیاحت اور ثقافت کے حوالے سے غیرمعمولی اہمیت ہے۔

جرش ٹورازم کے ڈائریکٹر فراس الخطاطبہ نے کہا کہ جرش کے قدیم شہر کے لیے "سیکیورٹی سسٹم" کی منظوری آنے والے ہفتوں میں دی جائے گی۔

الخطاطبہ نے مزید کہا کہ آثار قدیمہ کی حفاظت کے نظام کے لیے ٹینڈر، اس میں آثار قدیمہ کی جگہ کے ارد گرد موجودہ باڑ کو نئی باڑ سے تبدیل کرنے، نگرانی کے کیمرے، الیکٹرانک گیٹس، اور آثار قدیمہ کے لیے روشنی کی تنصیب کے لیے جلد اقدامات کیے جائیں گے۔

مقبول خبریں اہم خبریں