شارجہ میں عرب دوشیزہ کو چاقو کے وار کر کے قتل کر دیا گیا

پولیس نے سی سی فوٹیج کی مدد سے شقی القلب ملزم کو دو گھنٹوں میں گرفتار کر لیا

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

شارجہ پولیس کی جنرل کمان کے حوالے مقامی میڈیا میں شائع ہونے والی اطلاعات میں بتایا گیا ہے کہ ایک بیس سالہ عرب دوشیزہ کو شارجہ میں چھرا گھونپ کر ہلاک کر دیا گیا۔

پولیس نے مبینہ قاتل کو دو گھنٹوں کے اندر گرفتار کر لیا۔ چھرے کے پے در پے واروں سے چھلنی خاتون کی نعش گاڑی سے برآمد ہوئی۔

دوشیزہ کے گھر کے باہر پارکنگ ایریا میں لگے خفیہ مانیٹرنگ کیمروں کی فوٹیج کے ذریعے ملزم کی شناخت کی گئی۔ فوٹیج میں دیکھا جا سکتا ہے کہ ملزم دوشیزہ پر چاقو کے بے در بے وار کر رہا ہے۔ بعد ازاں فوٹیج ہی میں دیکھا جا سکتا ہے کہ ملزم کار سے باہر نکلتے ہوئے دوشیزہ کی نعش ساتھ لے جا رہا ہے۔

قانون نافذ کرنے والے اداروں سے بچنے کی کوشش میں ملزم واردات کے بعد سمندر کنارے چلا گیا، جہاں سے حکام نے اسے حراست میں لیا۔

ملزم نے ذاتی اختلاف کی بنا کر دوشیرہ کو قتل کرنے کی بھیانک واردات کا اعتراف کر لیا ہے، جس کے بعد اسے مقدمہ کی کارروائی کے لیے پراسیکیوشن کے سپرد کر دیا گیا ہے۔

مقبول خبریں اہم خبریں

مقبول خبریں