عمرہ زائرین کی بس کو حادثہ، دو افراد جاں بحق،18 زخمی

پہلی اشاعت: آخری اپ ڈیٹ:
مطالعہ موڈ چلائیں
100% Font Size

سلطنت عمان کے عمرہ زائرین کی بس مکہ المکرمہ جانے والی بدھ کو پیش آنے والے ٹریفک حادثے کے نتیجے میں دو افراد جاں بحق اور 18 دیگر زخمی ہو گئے۔

مکہ مکرمہ کے علاقے میں ہلال احمر نے وضاحت کی کہ ہنگامی امدادی ٹیموں نے طائف کی طرف نصایف پل کے بعد ریاض- طائف روڈ پر ایک ٹرک اور بس میں تصادم سے دو مسافر جاں بحق اور اٹھارہ زخمی ہوگئے۔ یہ بس عمرہ زائرین کو لے کرمکہ معظمہ کی طرف آ رہی تھی۔

انہوں نے نشاندہی کی کہ فوری طور پر 11 ایمبولینس ٹیموں کو ہدایت کی گئی تھی۔ حادثے کے بعد پہلی ٹیم کے پہنچنے کے بعد دو افراد کی موت کی تصدیق ہوگئی جب کہ متعدد شدید زخمی ہیں۔

ریاض میں سلطنت عمان کے سفارت خانے نے تصدیق کی ہے کہ اس وقت جدہ میں قونصلیٹ جنرل اور مملکت میں متعلقہ حکام کے درمیان کوآرڈینیشن جاری ہے تاکہ لاشوں کو سلطنت عمان واپس بھیجا جا سکے۔

مقبول خبریں اہم خبریں