سعودی عرب میں ساحل سمندر کے قریب گاڑی سے استاد کی لاش برآمد

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

سعودی عرب میں سکیورٹی حکام کو القنفذہ شہر کے شمال میں واقع ہنیش بیچ میرین پارک کی پارکنگ میں ایک نوجوان استاد کی لاش اس کی گاڑی کے اندر ملی جس کے بعد اس واقعے کی تحقیقات شروع کردی گئی ہیں۔

استاد حسن شبیل کے رشتہ داروں نے بتایا کہ حسن جمعہ کو القنفذہ گورنری میں ساحل سمندر کے سامنے اپنی گاڑی میں انتقال کر گئے۔ ان کی موت کی وجہ کے بارے میں انکشاف کیا کہ حال ہی میں ان کے دل کا آپریشن ہوا تھا۔

رشتہ داروں نے بتایا کہ معلم حسن الشبیلی کا کچھ عرصہ قبل دل کا آپریشن ہوا تھا جس کے بعد ڈاکٹروں نے احتیاطی تدابیر کے تحت انہیں اکیلا نہ چھوڑنے کا مشورہ دیا تھا۔ ڈاکٹروں نے خبردار کیا تھا کہ حسن الشبیلی کا مرض خطرے کی صورت میں موجود ہے جو کسی بھی وقت جان لیوا ہوسکتا ہے۔ عارضہ قلب کے ساتھ ساتھ حسن الشبیلی ذیابیطس کے عارضے کا بھی شکار تھے۔

انہوں نے یہ بھی بتایا کہ دو ہفتے قبل ان کی صحت کی خرابی کے باعث انہیں جدہ کے ایک ہسپتال میں ماہر امراض قلب مشورہ لینے پرمجبور کیا تھا۔

انہوں نے نشاندہی کی کہ شبیل اپنے ڈاکٹر کے مشورے پر عمل کر رہے تھے کہ وہ اپنی گاڑی اکیلے نہیں چلاتے تھےلیکن گذشتہ جمعہ کو وہ اچانک خود ہی گاڑی اکیلے لے کر غائب ہوگئے۔

مقبول خبریں اہم خبریں

مقبول خبریں