شام پر اسرائیل کی پھر بمباری، پانچ شامی ہلاک، دمشق ائیر پورٹ کو بھی سخت نقصان

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

اسرائیلی فضائیہ ہفتے کو علی الصباح دمشق کے بین الاقوامی ہوائے اڈے پر بمباری کر کے ایئر پورٹ کو سخت نقصان پہنچانے کے علاوہ پانچ سپاہیوں کی بھی ہلاک کر دیا ہے۔ شامی وزارت دفاع نے اس امر کی تصدیق ہفتہ کے روز ایک بیان میں کیا ہے۔

وزارت دفاع کی طرف سے بتایا گیا ہے کہ شام کی فضائیہ نے اسرائیلی فضائی حملے کو راستے میں روکنے کی کوشش کی اور بہت سارے میزائلوں کو فضا میں ہی ناکارہ بنادیا۔ اس وجہ سے اسرائیلی میزائل حملے سے وہ نقصان نہ ہو سکا جو اسرائیلی حملہ آور کرنا چاہتے تھے۔

اسرائیلی فضائی حملے کے بعد اس امر کی وضاحت نہیں ہو سکی ہے کہ حملے کے بعد ائیر پورٹ سے فضائی آپریشن متاثر ہوا ہے یا نہیں۔

دوسری جانب اسرائیل نے شامی ائیر پورٹس کو بطور خاص ہدف بنانے کی اپنی حکمت عملی کا مزید فعال کر لیا ہے تاکہ ان ائیر پورٹس کے راستے ایرانی سپلائی میں رخنہ ڈال سکے۔

ذرائع کا کہنا ہے کہ ایران انہی ائیر پورٹس کے راستے اپنے اتحادیوں کو جن میں لبنانی پسمنظر رکھنے والی حزب اللہ بھی شامل ہے کو اسلحہ سپلائی کرتا ہے۔ ان میں ایران کی شامی حمایتی ملیشیا بھی شامل ہے۔

خیال رہے 2011 سے شام میں جاری جنگی صورت حال کی وجہ سے اب تک لاکھوں شہری مارے جا چکے ہیں جبکہ لاکھوں ہی کی تعداد میں لوگ بے گھر ہو چکے ہیں۔

مقبول خبریں اہم خبریں

مقبول خبریں