شامی عالم دین علامہ راتب النابلسی کی سوشل میڈیا پراپنی وفات کی افواہوں کی تردید

شام کے ایک سرکردہ عالم دین 85 سالہ محمد راتب النابلسی نے سوشل میڈیا پراپنی وفات کی افواہوں کو مسترد کرتےہوئے کہا ہے کہ وہ زندہ ہیں اور ان کی وفات کی خبریں من گھڑت ہیں۔

شامی عالم دین نے سماجی رابطوں کی ویب سائٹ ’فیس بک‘ پر علامہ محمد راتب النابلسی کے آفیشل پیج نے ان کی موت کے بارے میں گردش کرنے والی افواہوں کی تردید کرتے ہوئے اس بات پر زور دیا کہ ان کی موت کی خبریں بے بنیاد افواہیں ہیں۔

مشہور مذہبی رہ نما خود بھی اپنے پیروکاروں کو اپنی صحت کے بارے میں ذاتی حیثیت میں یقین دلاتے ہوئے نظر آئے۔انہوں نے اپنے آفیشل پیج پر ایک ویڈیو کلپ پوسٹ کیا، جس میں وہ یہ کہتے ہوئے دیکھے جا سکتے ہیں کہ"میں ٹھیک اور صحت مند ہوں"۔

کچھ روز قبل سوشل میڈیا پرعلامہ راتب النابلسی کی الجزائر میں وفات کی خبریں گردش کررہی تھیں جس کے بعد خود ڈاکٹر محمد رتیب النابلسی کو اپنے زندہ ہونے کی یقین دہانی کرانا پڑی۔