زبان
خلفية الموقع
  • فاتح
  • غامق
زبان
Syrian President Bashar al-Assad and UAE President Sheikh Mohamed bin Zayed, in Abu Dhabi, the United Arab Emirates on March 19, 2023. (WAM)
الشیخ محمد بن زاید شامی صدر بشار الاسد کا خیر مقدم کر رہے ہیں: رائیٹرز

بشارالاسد کا سرکاری دورے پر ابوظبی پہنچنے پر شاندار استقبال

العربیہ ڈاٹ نیٹ
پہلی اشاعت: آخری اپ ڈیٹ:
مطالعہ موڈ چلائیں
100% Font Size

شام کے صدر بشارالاسد طویل عرصے کے بعد متحدہ عرب امارات کے دارالحکومت ابو ظبی پہنچے ہیں۔ شامی صدر نے آج اتوار کو متحدہ عرب امارات کے صدر الشیخ محمد بن زاید سے ملاقات کی۔ ملاقات میں شام اور خطے میں استحکام اور ترقی کو فروغ دینے والے امور پر تعاون اور ہم آہنگی کو مضبوط بنانے پر تبادلہ خیال کیا۔

الشیخ محمد بن زاید کی جانب سے اپنے ‘ٹوئٹر‘ اکاؤنٹ پر پوسٹ کی گئی ایک ٹویٹ میں لکھا کہ "ہم نے دو برادر ممالک اور عوام کے مفاد کے لیے برادرانہ تعلقات کی حمایت اور فروغ کے لیے مثبت اور تعمیری بات چیت کی۔"

آج اتوار شام کے صدر بشار الاسد سرکاری دورے پر متحدہ عرب امارات پہنچے۔شامی صدر کے ہمراہ خاتون اول اسماء الاسد بھی امارات پہنچی ہیں۔

من 5
(5 تصاویر)

امارات کی خبر رساں ایجنسی " وام" کی طرف سے شائع ہونے والی خبر کے مطابق متحدہ عرب امارات کے صدر الشیخ محمد بن زید آل نہیان ابوظبی کے صدارتی ہوائی اڈے پر بشارالاسد کے استقبال کے لیے پہنچے۔

’وام‘ کے مطابق متحدہ عرب امارات کی فضائی حدود میں داخل ہونے پر شامی صدر کا طیارہ جنگی طیاروں کے ذریعے پروٹوکول دیا گیا۔

صدر بشار الاسد کے قافلے کے قصر الوطن پہنچنے پر ان کا باضابطہ استقبال کیا گیا۔ الشیخ محمد بن زاید بشارالاسد کے ہمراہ پلیٹ فارم آف آنر پر پہنچے اور جہاں شام کا قومی ترانہ بجایا گیا۔ اس موقعے پر شامی صدر کواکیس توپوں کی سلامی دی گئی۔

ملاقات کے موقعے پر دونوں ممالک کے سینیر حکومتی عہدیدار موجود تھے۔

العربیہ کی تازہ خبریں Google News کے ذریعے حاصل کریں
اسی بارے میں
مقبول خبریں اہم خبریں
یہ بھی پڑھیے
  • مطالعہ موڈ چلائیں
    100% Font Size