فلسطین اسرائیل تنازع

تل ابیب: فائرنگ اور گاڑی تلے روندنے کی کارروائی میں ایک شخص ہلاک، 6 زخمی

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

العربیہ کے نامہ نگار نے اپنے مراسلے میں بتایا ہے کہ جمعہ کی رات تل ابیب میں فائرنگ اور گاڑی تلے روندنے کے نتیجے میں ایک شخص ہلاک اور 6 افراد زخمی ہوئے۔

اسرائیلی میڈیا نے اطلاع دی ہے کہ فائرنگ اور رن اوور کی کارروائی میں ایک شخص ہلاک اور متعد زخمی ہوئے ہیں۔ اسرائیلی وزارت خارجہ نے اس کارروائی کو "دہشت گردانہ حملہ" قرار دیا اور کہا کہ ایک کار تل ابیب کورنیش میں متعدد راہگیروں پر چڑھ گئی۔ اس کارروائی میں ایک شخص ہلاک اور 6 زخمی ہوئے۔

اسرائیلی پولیس نے بتایا کہ کار الٹنے سے پہلے سمندر کے کنارے ایک پارک کے قریب لوگوں کے ایک گروپ سے ٹکرائی۔

پولیس نے مزید کہا کہ انہوں نے کار کے ڈرائیور کو گولی مار دی، جس پر پولیس کو شبہ ہے کہ اس نے چوری شدہ کار حملے میں استعمال کی۔ اس کا تعلق مغربی کنارے سے ہے۔

یہ واقعہ ایک ایسے وقت میں پیش آیا ہے جب فلسطینیوں اور اسرائیل کے درمیان پہلے ہی سخت کشیدگی پائی جا رہی ہے۔ گذشتہ روز وادی اردن میں فائرنگ کے ایک واقعے میں کم سے کم تین یہودی آباد کار خواتین ہلاک ہو گئی تھیں۔ قبل ازیں اسرائیلی فوج نے غزہ اور لبنان میں حماس کے ٹھکانوں پر میزائلوں سے حملہ کیا تھا۔

رات کے وقت اسرائیلی فوج نے جنوبی لبنان میں حماس کی 3 تنصیبات اور غزہ کی پٹی میں تحریک کے 10 سے زائد فوجی اہداف کو نشانہ بنایا جب کہ فلسطینی عسکریت پسندوں نے نصف شب سے اسرائیل پر 40 سے زائد راکٹ داغے۔

اسرائیلی فوج کے پریس آفس کے ترجمان نے کہا کہ فوج نے غزہ کی پٹی میں حماس کے ٹھکانوں پر حملہ کرنے کے لیے تقریباً 50 ٹن گولہ بارود استعمال کیا۔

انہوں نے نشاندہی کی کہ رات کے وقت غزہ سے اسرائیل پر 44 میزائل داغے گئے، جن میں سے 8 کو ایئر دفاع نے فضا میں ہی تباہ کر دیا، 9 راکٹ غزہ کی حدود کے اندر ہی گرے۔ 12 نے سمندر کی طرف پرواز کی، 14 غیر آباد علاقے میں گرے اور ایک راکٹ سدیروت شہر کے قریب پھٹا۔

مقبول خبریں اہم خبریں

مقبول خبریں