حرم مکی میں ایک بچی کی سکیورٹی اہلکاروں کو کافی پیش کرنے کی ویڈیو نے دل موہ لیے

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

ماہ صیام کے موجودہ بابرکت ایام میں دنیا بھر سے لالکھوں فرزندان توحید اپنے پرور دگار کی رضا اور خوشنودی کے حصول کے لیے عبادت میں مصروف ہیں۔ زائرین اور عبادت گذارو کو پرسکون ماحول میں عبادت کی سہولت فراہم کرنے والے سکیورٹی اہلکاروں کے ساتھ زائرین کی ہمدردی کے جذبات نمایاں طور پر دیکھے جاتے ہیں۔

حرم مکی کے سکیورٹی عملے کی خدمت کرنےوالی ایک بچی کی ویڈیو سوشل میڈیا پر وائرل ہو رہی ہے جس میں بچی کو حرم مکی میں موجود سکیورٹی اہلکاروں کو افطاری کے بعد کافی پیش کرتے دیکھا جا سکتا ہے۔

سوشل میڈیا پر بچی کے انسانی خدمت سے سرشار رویے پر صارفین کی طرف سے اس کی تحسین کی جا رہی ہے۔ یہ سکیورٹی اہلکار ایک ملٹری کالج کے زیرتعلیم طلبا ہیں جو ابھی پاس آؤٹ نہیں ہوئے۔

قابل ذکر ہے کہ رمضان المبارک کے بابرکت مہینے کے اختتام پر معتمرین بے مثال نظم وضبط کے تحت مکمل ایمانی اور روحانی فضاء میں بیت اللہ میں عبادت میں مشغول ہیں۔ حرم مکی میں نمازیوں اور زائرین نے 118 دروازوں سے آمد ورفت کی سہولت فراہم کی گئی ہے۔ ان میں سے 3 صرف عمرہ زائرین کے داخلے کے لیے، 68 نمازیوں کے لیے۔ 50 ہنگامی آمد ورفت کے اور چالیس انتظامی اور تکنیکی عملے کے لیے مختص ہیں۔

مقبول خبریں اہم خبریں

مقبول خبریں