شہری آج عید کا چاند دیکھنے کی کوشش کریں: سعودی سپریم کورٹ

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

سعودی سپریم کورٹ نے سعودی عرب کے تمام مسلمانوں سے کہا ہے کہ وہ 20 اپریل کی مناسبت سے 29 رمضان المبارک 1444 ہجری کی شام کو شوال کا چاند دیکھنے کی کوشش کریں۔

عدالت نے لوگوں سے اپیل کی کہ کھلی آنکھوں سے یا دوربین کے ذریعے چاند دیکھیں تو قریبی عدالت کو مطلع کریں وہاں اس کی گواہی ریکارڈ کرائیں۔ یا قریبی مرکز سے رابطہ کریں اور انہیں آگاہ کریں۔

سپریم کورٹ نے اس امید کا اظہار بھی کیا کہ جو لوگ اس معاملے میں دلچسپی اور اہلیت رکھتے ہیں وہ اس مقصد کے لیے خطوں میں بنائی گئی کمیٹیوں میں شامل ہوں گے اور نیکی کے اس کام میں معاونت کریں گے۔

اس سے قبل عالمی فلکیاتی مرکز کی جانب سے یہ کہا گیا تھا کہ جمعرات کو عرب اور اسلامی دنیا میں کہیں بھی برہنہ آنکھوں سے چاند دیکھنا ممکن نہیں ہے۔ اس لیے یکم شوال 22 اپریل بروز ہفتہ کو ہوگی۔

مقبول خبریں اہم خبریں

مقبول خبریں