جمعرات کو اسرائیلی فوج نے اعلان کیا کہ اس نے اسرائیل کی شمالی سرحد کے قریب لبنانی فضائی حدود سے آنے والے ڈرون کو مار گرایا ہے۔ اسرائیلی فوج نے ایک بیان میں کہا ہے کہ اسرائیلی فوج کے سپاہیوں نے لبنان کی فضائی حدود سے اسرائیلی فضائی حدود میں زریت گاؤں کی طرف آنے والے ڈرون کا پتہ لگایا اور پھر اسے مار گرایا۔
اسرائیلی فوج کے ترجمان اویخائی ادرعی نے ٹوئٹر پر مزید کہا کہ اسرائیلی فضائی دفاعی نظام اس ڈرون کی مکمل نگرانی کر رہا تھا۔ ’’العربیہ‘‘ کے نمائندے نے بتایا کہ اسرائیلی فوج شمالی سرحد پر چوکنا تھی ۔
