سعودی عرب: سوشل میڈیا پر علاقائی نفرت پھیلانے والے شخص کو گرفتار کرلیا گیا

پہلی اشاعت: آخری اپ ڈیٹ:
مطالعہ موڈ چلائیں
100% Font Size

ریاض پولیس نے سماجی روابط کی ویب گاہوں میں سے ایک پر آڈیو پیغام کے ذریعہ ایک سعودی علاقے کے متعلق توہین آمیز کلمات کہنے اور قبائلی تنازعات کو ہوا دینے والا مواد شائع کرکے امن عامہ کو خراب کرنے کے الزام میں ایک شہری کو گرفتار کرلیا گیا۔ باقاعدہ کارروائی کرکے اس شخص کو حراست میں لے لیا گیا۔

پبلک پراسیکیوٹر شیخ سعود المعجب نے مذکورہ شخص کی گرفتاری کا حکم دیا۔ پبلک پراسیکیوشن کے ایک سرکاری ذریعے نے بتایا کہ یہ فیصلہ پارلیمانی مانیٹرنگ سینٹر کی طرف سے بدسلوکی اور فرقہ وارانہ امتیاز کے واقعے کے حوالے سے جمع کرائے گئے بیان کی بنیاد پر جاری کیا گیا تھا۔ یہ شہری مختلف سوشل میڈیا پلیٹ فارمز پر نفرت آمیز مواد مسلسل شائع کر رہا تھا۔

باقاعدہ قانونی طریقہ کار مکمل کرکے اس شخص کو مجاز عدالت بھیجنے کی تیاری کی جارہی ہے۔ ذرائع نے بتایا کہ پبلک پراسیکیوشن ہر اس چیز کی نگرانی کرتا ہے جس سے قومی یکجہتی اور سماجی امن کو نقصان پہنچتا ہو۔ ایسے مواد کو شائع کرنے والے مجرموں کو انصاف کے کٹہرے میں لاکر زیادہ سے زیادہ سزائیں دلائی جاتی ہیں۔

مقبول خبریں اہم خبریں