سعودی عرب خطے میں تنازعات کے پر امن حل کی حمایت کر رہا: فیصل بن فرحان

ہماری توجہ فوڈ سیفٹی، سپلائی چین رکاوٹوں، موسمیاتی تبدیلی اور پائیدار ترقی جیسے عالمی چیلنجز پر ہے: وزیر خارجہ

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

سعودی وزیر خارجہ شہزادہ فیصل بن فرحان نے آج پیر کو کہا ہے کہ سعودی عرب ریاستوں کی خودمختاری، آزادی اور خطے میں تنازعات کو پرامن طریقے سے حل کرنے کی حمایت کرتی ہے۔

ریاض میں عرب ملکوں اور بحرالکاہل جزائر گروپ کے درمیان مشترکہ وزارتی اجلاس کے دوران انہوں نے مزید کہا کہ سعودی عرب مشترکہ اور انتہائی ضروری عالمی چیلنجز پر توجہ مرکوز کیے ہوئے ہے۔ ان چیلنجز میں فوڈ سیفٹی، سپلائی چین میں رکاوٹوں، موسمیاتی تبدیلی اور پائیدار ترقی کے حصول جیسے معاملات شامل ہیں۔

سعودی وزیر نے اس اجلاس کو عرب ملکوں اور بحرالکاہل کے جزیروں کے ملکوں کے درمیان سیاسی اور اقتصادی شراکت داری پر تبادلہ خیال کرنے اور مسائل اور چیلنجز پر تبادلہ خیال کرنے کا ایک "مثالی موقع" قرار دیا۔

شہزادہ فیصل نے مزید بتایا کہ سعودی عرب موسمیاتی تبدیلی سے متعلق پیرس معاہدے کے اہداف کے حصول کو بہت اہمیت دیتا ہے۔ سعودی عرب نے موسمیاتی میدان میں خطے اور دنیا کے لیے دلچسپی کے متعدد اقدامات شروع کر دئیے ہیں۔

مقبول خبریں اہم خبریں

مقبول خبریں