سعودی عرب: سفاک شخص کا تفریح گاہ میں خاتون پر تشدد، گرفتار کرلیا گیا

تبوک میں پیش آئے واقعہ کی ویڈیو پھیلانے والوں کیخلاف انسداد سائبر کرائم کے تحت کارروائی ہوگی

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

سعودی عرب میں ذرائع ابلاغ اور سماجی روابط کی ویب سائٹس پر متحرک افراد نے تبوک کے علاقے میں ایک عوامی پارک میں ایک شخص کے ایک خاتون پر حملہ کرنے اور اسے تشدد کا نشانہ بنانے کی ویڈیو وائرل کردی۔ ویڈیو میں دیکھا جا سکتا ہے کہ دیگر افراد خاتون کو مرد کے حملے سے بچا رہے ہیں۔ ویڈیو گردش میں آئی تو سعودی عرب کے شہریوں میں شدید غم و غصہ پھیل گیا۔ بڑی تعداد میں لوگوں نے انٹرنیٹ پر سفاک شخص کے رویہ کی مذمت کی اور اس کو گرفت میں لانے کا مطالبہ کیا۔

Advertisement

دوسری طرف تبوک پولیس متحرک ہوگئی اور اس نے عوامی مقام پر ایک خاتون پر حملہ کرنے کے الزام میں شہری کی گرفتاری کا اعلان کردیا۔ جنرل سیکیورٹی نے ایک بیان میں کہا کہ ملزم کو گرفتار کر لیا گیا اور اس کو پبلک پراسیکیوشن کے حوالے کر دیا گیا ہے۔

جنرل سکیورٹی کی جانب سے جاری بیان میں کہا گیا کہ اس حوالے سے ویڈیو اور بصری مواد شائع کرنے والوں کو انسداد سائبر کرائم قانون کی خلاف ورزی پر گرفتار کیا جائے گا۔

مقبول خبریں اہم خبریں

مقبول خبریں