سعودی عہدیدار نے مملکت میں ایران کے سفیر کا استقبال کیا

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

سعودی نائب وزیر برائے قونصلر امور سفیر علی الیوسف نے اتوار کے روز مملکت میں ایران کے سفیر علی رضا عنایتی کا استقبال کیا۔

سعودی وزارتِ خارجہ نے سوشل میڈیا پلیٹ فارم ایکس پر پوسٹ کیا کہ ریاض میں ہونے والی ملاقات کے دوران فریقین نے دو طرفہ تعلقات اور مشترکہ دلچسپی کے دیگر موضوعات پر تبادلۂ خیال کیا۔

ایران نے علی رضا عنایتی کو مئی میں سعودی عرب میں اپنا سفیر مقرر کیا تھا۔

دریں اثنا ایران میں سعودی عرب کے نئے سفیر عبداللہ بن سعود العنازی نے گذشتہ ہفتے تہران کے وزیرِ خارجہ حسین امیر عبداللہیان کو اپنی اسناد پیش کیں۔ اپریل میں چین کی ثالثی میں ہونے والے معاہدے کے بعد دونوں ممالک کے درمیان برسوں کی سیاسی کشمکش کا خاتمہ ہوا۔

ایران کی عدلیہ کی خبر رساں ایجنسی میزان کے مطابق علی رضا عنایتی وزیرِ خارجہ کے معاون اور وزارت میں خلیج عرب امور کے ڈائریکٹر جنرل کے طور پر کام کر چکے ہیں۔

مقبول خبریں اہم خبریں

مقبول خبریں