سعودی عرب کا تیل کی پیداوار میں ایک ملین بیرل یومیہ کمی کا اعلان

تخفیف کا رضاکارانہ فیصلہ دسمبر کے اختتام تک جاری رہے گا یومیہ پیداوار میں یہ کمی ایک ملین بیرل ہو گی

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

سعودی عرب نے دسمبر کے اختتام تک تیل کی پیداوار میں رضاکارانہ کمی جاری رکھنے کا اعلان کیا ہے۔ بدھ کے روز سعودی وزارت توانائی کی طرف سے کئے گئے اعلان کے مطابق تیل کی یومیہ پیداوار میں یہ کمی ایک ملین بیرل ہو گی۔

وزارت توانائی کے اعلان میں کہا گیا ہے کہ ماہ نومبر اور ماہ دسمبر کے دوران تیل کی پیداوار نو ملین بیرل یومیہ ہو گی۔

سعودی ذرائع کا کہنا ہے کہ مملکت نے تیل کی پیداوار میں رضاکارانہ کمی کا فیصلہ ماہ جولائی میں کیا تھا۔ تاہم اگلے ماہ از سر نو جائزہ لینے کا فیصلہ کیا گیا کہ تیل کی پیداوار میں کمی جاری رکھی جائے یا اس میں اضافہ کیا جائے۔

بتایا گیا ہے کہ تیل کی پیداوار میں یہ کمی مملکت کی طرف سے ماہ اپریل میں کی گئی رضاکارانہ کمی کے بعد اضافی ہے۔ جسے دسمبر 2024 تک جاری رکھے جانے کا امکان ہے۔

یہ فیصلہ اوپیک کی طرف عالمی تیل منڈی میں استحکام اور توازن قائم رکھنے کے لئے کیا گیا ہے۔

مقبول خبریں اہم خبریں

مقبول خبریں