غزہ سے راکٹ حملے: تل ابیب میں 3 عمارتوں کو نقصان پہنچا

غزہ کو بجلی کی سپلائی بند کر دیں گے: اسرائیلی وزیر توانائی

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

غزہ سے حماس نے اسرائیل کے خلاف آپریشن ’’ طوفان الاقصیٰ‘‘ شروع کردیا۔ آپریشن کا آغاز ہفتہ کی صبح 5 ہزار راکٹ فائر کرکے کیا گیا۔ العربیہ کے نمائندے نے ہفتے کی شام کو بتایا کہ غزہ سے راکٹ حملوں کے نتیجے میں جنوبی تل ابیب میں 3 عمارتوں کو نقصان پہنچا ہے۔ تل ابیب پر حالیہ میزائل حملوں کے نتیجے میں 8 افراد زخمی ہوئے جن میں سے 3 شدید زخمی ہیں۔ اسرائیلی میڈیا نے بتایا کہ تل ابیب اور اس پر بمباری کے بعد شدید زخمی ہونے والے متعدد افراد کو ہسپتال منتقل کیا گیا ہے۔

اس سے قبل اسرائیلی وزیر توانائی نے غزہ کی پٹی میں بجلی کے نیٹ ورک کو بند کرنے کے حکم نامے پر دستخط کر دئیے۔ العربیہ کے نمائندے نے یہ اطلاع بھی دی کہ مداخلت کر کے غزہ کی پٹی میں انٹرنیٹ سہولت کو بھی متاثر کردیا گیا ہے۔

اسرائیلی حکومت نے تعلیم کو مکمل طور پر معطل کرنے اور مختلف سرگرمیوں کو روکنے کا فیصلہ بھی جاری کردیا۔ اسرائیلی حکام نے لوگوں سے اپنے گھروں میں رہنے اور کسی بھی حالت میں سڑکوں پر نہ نکلنے کی اپیل کی ہے۔

حماس کے عسکری ونگ القسام بریگیڈز کے کمانڈر انچیف محمد الضیف نے ہفتہ کی صبح اسرائیل کے خلاف آپریشن شروع کرنے کا اعلان کیا تھا۔

مقبول خبریں اہم خبریں

مقبول خبریں