غزہ وزارت صحت: اسرائیلی حملوں میں 2055 بچوں سمیت 5,087 افراد شہید

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

غزہ کی وزارتِ صحت نے پیر کے روز بتایا کہ سات اکتوبر سے اسرائیلی حملوں میں کم از کم 5,087 فلسطینی شہید ہو چکے ہیں جن میں 2,055 بچے بھی شامل ہیں۔ اور مزید بتایا کہ 15,273 زخمی ہوئے۔

وزارت نے کہا کہ گذشتہ 24 گھنٹوں کے دوران اسرائیلی حملوں میں 436 فلسطینی شہید ہو گئے جن میں 182بچے بھی شامل ہیں۔ زیادہ تر شہادتیں غزہ کی پٹی میں ہوئیں۔

اسرائیل نے پیر کے روز مزید فضائی حملوں کے ساتھ غزہ پر بمباری کی جب اس کے فوجیوں نے محصور فلسطینی علاقے کے اندر چھاپوں کے دوران زمین پر حماس مزاحمت کاروں کا مقابلہ کیا۔

رہائشیوں نے بتایا کہ تنازعہ پھیلنے کے آثار ہیں کیونکہ اسرائیلی طیاروں نے راتوں رات جنوبی لبنان پر بھی حملہ کیا اور اسرائیلی فوجیوں نے مقبوضہ مغربی کنارے میں فلسطینیوں کا مقابلہ کیا۔

اقوامِ متحدہ نے کہا ہے کہ بے دریغ فضائی حملوں سے بچنے کے لیے مایوس شہری خوراک، پانی اور پناہ گاہوں سے محروم ہو رہے ہیں۔ اس بمباری نے غزہ کے بڑے حصے کو زمیں بوس کر دیا ہے۔

رفح کی سرحدی گذرگاہ سے غزہ میں پہنچ تو رہی تھی - لیکن یہ مطلوبہ مقدار سے اس قدر کم ہے گویا اونٹ کے منہ میں زیرہ۔

مقبول خبریں اہم خبریں

مقبول خبریں