عرب لیگ کا غزہ میں فوری جنگ بندی کا مطالبہ

’’فلسطینی عوام کی ثابت قدمی اور جدوجہد پر قدر ومنزلت کا اظہار کرتے ہیں‘‘

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

عرب لیگ نے غزہ میں فوری جنگ بندی کا مطالبہ کردیا۔ عالمی برادری سے فلسطینی عوام کے خلاف اسرائیل کی جانب سے جاری وحشیانہ جنگ بند کرانے کے لیے فوری اقدام کو ناگزیر قرار دے دیا۔

سعودی خبررساں ادارے ’ایس پی اے‘ کے مطابق عرب لیگ نے اعلان بلفور کی 106 ویں برسی کے موقع پر جمعرات کو بیان جاری کرکے کہا کہ غزہ سے متعلق اقوام متحدہ کی جنرل اسمبلی کے ہنگامی اجلاس کی قرارداد پر فورا عمل درآمد کرایا جانا ضروری ہے۔

جنرل اسمبلی نے اسرائیل کے غیر قانونی حملوں، شہریوں کے تحفظ اور قانونی وانسانی عہد و پیمان کی پابندی پر اپنی قرارداد میں زور دیا تھا۔

عرب لیگ نے توجہ دلائی کہ جب تک چار جون 1967 کی سرحدوں کے دائرے میں خودمختار فلسطینی ریاست قائم نہیں ہو گی اور مشرقی القدس کو اس کا دارالحکومت نہیں بنایا جائے گا تب تک کسی بھی عنوان سے کی جانے والی کوشش خطے میں امن واستحکام کا باعث نہیں بنے گی۔

عرب لیگ نے فلسطینی عوام کی ثابت قدمی اور جدوجہد پر قدرومنزلت کا اظہار کرتے ہوئے کہا کہ عرب اقوام و ممالک آزادی وخودمختاری کے حصول کے لیے جاری فلسطینی عوام کی جدوجہد اور ثابت قدمی کی تائید و حمایت کررہے ہیں اور کرتے رہیں گے۔

مقبول خبریں اہم خبریں

مقبول خبریں