فلسطین اسرائیل تنازع

غزہ کے متعدد علاقوں پر اسرائیلی بمباری جاری، بیت لاھیا میں بڑی تباہی

اسرائیلی فوج نے فلسطینی پٹی میں زمینی دراندازی کے آغاز کے 27 دن بعد غزہ شہر کا "گھیراؤ" کرنے کا اعلان کر رکھا ہے

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

غزہ کی پٹی کے متعدد علاقوں پر جمعرات کی شام اسرائیل نے بمباری کی ہے۔ جن میں سب سے زیادہ بمباری پٹی کے شمال میں بیت لاھیا میں ہوئی۔ ویڈیو فوٹیج میں غزہ شہر پر متعدد راکٹ گرتے ہوئے دیکھے جا سکتے ہیں۔

ذرائع نے بتایا ہے کیا کہ مختلف علاقوں پر اسرائیلی بمباری کے نتیجے میں متعدد ہلاکتیں ہوئی ہیں۔ جمعرات کی شام، اسرائیلی فوج نے فلسطینی پٹی میں زمینی دراندازی کے آغاز کے چھ دن بعد، غزہ شہر کا "گھیراؤ" کرنے کا اعلان کیا۔

فوج کے ترجمان ڈینیل ہگاری نے کہا کہ اسرائیلی فورسز نے "غزہ شہر کا محاصرہ مکمل کر لیا، جو کہ حماس کا مرکز ہے۔" ہگاری کے مطابق، اسرائیل اور غزہ کی پٹی کو کنٹرول کرنے والی تحریک کے درمیان جنگ کے ستائیسویں دن "جنگ بندی کا تصور فی الحال زیر غور نہیں ہے"۔

ٹیلی فون مواصلات میں رکاوٹ

اسرائیل کی مسلسل بمباری کے نتیجے میں جمعرات کی شام دوبارہ غزہ کی پٹی سے ٹیلی فون رابطہ منقطع ہو گیا تھا۔

بدھ کو فلسطینی ٹیلی کمیونیکیشن کمپنی اور جووال نے کہا کہ غزہ کی پٹی کے ساتھ تمام مواصلاتی اور انٹرنیٹ خدمات منقطع کر دی گئی ہیں۔

دونوں کمپنیوں نے "X" پلیٹ فارم (پہلے ٹویٹر) پر دو الگ الگ ٹویٹس میں کہا کہ خدمات میں رکاوٹ کا نتیجہ بین الاقوامی روٹس کے دوبارہ منقطع ہونے سے ہوا ہے۔

غور طلب بات یہ ہے کہ غزہ کی پٹی پر مسلسل اسرائیلی بمباری کے نتیجے میں گزشتہ عرصے کے دوران کئی بار مواصلاتی اور انٹرنیٹ خدمات منقطع ہوئی تھیں۔

مقبول خبریں اہم خبریں

مقبول خبریں