’غزہ،لبنان اورپوراملک ہمارا ہے‘۔اسرائیلی فوجی کی اشتعال انگیزنعرے بازی کی ویڈیو وائرل

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

گذشتہ روز اسرائیل کے ایک شدت پسند وزیر کی طرف سے غزہ کی پٹی پر ایٹمی حملے کی حمایت کے بعد ایک اسرائیلی فوجی افسر کی ویڈیو بھی وائرل ہو رہی ہے جس میں اسے ’غزہ لبنان اور سارا ملک ہمارا‘ کا نعرہ لگاتے سنا جا سکتا ہے۔

یہ فوجی ایک ’ربی‘ ہے جو فوج میں مذہبی امور کی خدمات انجام دے رہا ہے۔ اسے فوجیوں سے خطاب کرتے دیکھا جا سکتا ہے جس میں وہ غزہ اور لبنان کو اسرائیل کا حصہ قرار دینے کا دعویٰ کرتا ہے۔

تاہم اس کے اس بیان پر سوشل میڈیا پر سخت غم وغصے کی لہر دوڑ گئی ہے۔

نہال بریگیڈ کے تربیتی اڈے کے ربی امیچائی فریڈمین کے ان الفاظ کو ’اشتعال انگیز‘ قرار دیا گیا ہے۔ اس نے فوجیوں کے ایک گروپ سے پرجوش انداز میں خطاب کرتے ہوئے کہا کہ ’ہمارے ملک کی افواج غزہ کے تمام فلسطینیوں کو تباہ کردیں گی‘‘۔

انہوں نے محصور فلسطینی پٹی پر پرتشدد اسرائیلی بمباری پر فخر کرتے ہوئے مزید کہا کہ ’’ ہماری صفوں میں کوئی ہلاک، کوئی یرغمالی اور کوئی زخمی نہیں ہوا، یہ میری زندگی کا سب سے خوشگوار مہینہ ہو سکتا ہے‘‘۔

"سارا ملک ہمارا ہے"

اس نے پرجوش انداز میں چیختے ہوئے مزید کہا کہ "پورا ملک ہمارا ہے... غزہ اور لبنان بھی ہمارے ہیں"۔

انہوں نے مزید کہا کہ "پوری ارض موعود ہماری ہے۔ ہم اس پر دوبارہ واپس جائیں گے!۔ ہم پھر گوش قطیف (غزہ میں سابقہ آبادکاری بلاک جسے 2005 میں خالی کیا گیا تھا) میں واپس جائیں گے‘‘۔

اسرائیلی فوجی کے ساتھ سپاہی نعرے لگا رہے تھے۔ "یہ سب ہمارا ہے۔"

اسرائیلی فوجی اہلکار نے دعویٰ کیاکہ "اسرائیل حماس کو جڑ سے اکھاڑ پھینکے گا اور اپنے دشمنوں کو تباہ کر دے گا۔ ہم ان سب کو تباہ کر دیں گے"۔

دوسری جانب فوج نے ویڈیو کلپ کے ذریعے اٹھنے والی تنقید کی لہر کے بعد ایک بیان میں فوجی اہلکار کے بیان سے لا تعلقی کا اظہار کیا۔ اخبار ہارٹز کے مطابق فوج کا کہنا ہے کہ سوشل میڈیا پر وائرل بیان ہماری فوجی اقدار کے مطابق نہیں۔

مقبول خبریں اہم خبریں

مقبول خبریں