فلسطین اسرائیل تنازع

خوراک اور امدادی سامان سے لدے 11ٹرک غزہ میں داخل: شاہ سلمان ریلیف سینٹر

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

شاہ سلمان ریلیف سینٹرغزہ کی پٹی میں انسانی امداد کے لیے سمندری اور فضائی راستے سے امداد کی فراہمی کا سلسلہ جاری رکھےہوئے ہے۔ مرکز کے ترجمان نے غزہ میں خوراک اور طبی امداد پر مشتمل 11 ٹرکوں کے غزہ میں داخلے کی تصدیق کرتے ہوئے بتایا کہ 19 مال بردار طیارہ امدادی سامان کے ساتھ کل مصر کے شہر العریش کے بین الاقوامی ہوائی اڈے پر پہنچا ہے۔

شاہ سلمان ریلیف سینٹر کے ترجمان ڈاکٹر سامر الجطیلی نے ’العربیہ‘ کو دیے گیے انٹرویو کہا کہ امدادی جہاز میں طبی سامان، محلول، خوراک، بچوں کے لیے دودھ اور دیگر ضروری اشیاء شامل ہیں"۔

اس کے علاوہ انہوں نے وضاحت کی کہ زمینی پل سے بہت بڑی مقدارمیں امدادی سامان روانہ کیا گیا ہے۔ اس میں 350 ٹرک شامل ہیں۔

ان کا کہنا تھا کہ سب سے بڑا چیلنج ٹرکوں کوغزہ داخلے کی اجازت دینے کے لیے کراسنگ کو کھولنا ہے۔

شاہ سلمان ریلیف مرکز نے فلسطینی علاقے غزہ میں امداد کے لیے دوسرا بحری جہاز امدادی سامان کے ساتھ روانہ کیا ہے جس میں 890 ٹن طبی سامان، خوراک اور پناہ گاہوں کی امداد کے 58 کنٹینرز لدے ہوئے تھے۔

اس حوالے سے جدہ اسلامک پورٹ نے العربیہ کے نامہ نگارکو بتایا کہ سعودی عرب ایک بہت بڑا امدادی جہاز غزہ بھیج رہا ہے۔ اس کا سامان 30 امدادی جہازوں کے برابر ہے اور اس جہاز کی لمبائی 362 میٹر ہے۔"

مقبول خبریں اہم خبریں

مقبول خبریں