حماس کا غزہ میں اسرائیلی فوج پر حملہ

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

فلسطینی تحریک مزاحمت حماس کے عسکری ونگ القسام بریگیڈ نے غزہ میں اسرائیلی پیدل فوج پر حملہ کیا ہے۔ اسرائیلی فوج کے اس دستے کو شمالی غزہ میں تعینات کیا گیا تھا۔ یہ پیدل فوجی جمعہ کے روز سے غزہ میں اسرائیلی جنگ کا دوسرا مرحلہ تیز کرنے آئے تھے۔

القسام بریگیڈ نے ان اسرائیلی فوجیوں پر حملہ کر کے دعویٰ کیا ہے کہ اس نے کئی اسرائیلی فوجیوں کو ہلاک اور زخمی کر دیا ہے۔ حماس کے عسکری ونگ کا یہ حملہ غزہ سٹی کے توام کے علاقے میں ہفتے کے روز کیا گیا ہے۔

تاہم فوری طور پر اسرائیلی فوج کے ترجمان نے اس بارے میں کچھ نہیں بولا ہے۔ واضح رہے جنگی وقفوں کے بعد جمعہ کے روز سے غزہ پر اسرائیلی بمباری اور حملے پھر سے شدت اختیار کر چکے ہیں۔ البتہ شمالی غزہ کے اندر اسرائیلی فوجیوں کو جنگ کے دوسرے مرحلے میں نشانہ بنانے کا حماس کا پہلا دعویٰ ہے۔

مقبول خبریں اہم خبریں

مقبول خبریں