سات اکتوبر سے اب تک تقریباً 5000 فوجی زخمی ہو چکے ہیں: اسرائیلی محکمہ دفاع

پہلی اشاعت: آخری اپ ڈیٹ:
مطالعہ موڈ چلائیں
100% Font Size

غزہ کی پٹی میں جنگ کے 64ویں دن ہفتے کے روز اسرائیلی وزارت دفاع کے ایک اہلکار نے انکشاف کیا ہے کہ 7 اکتوبر سے اب تک تقریباً 5000 فوجی زخمی ہو چکے ہیں۔

ڈیفنس ری ہیبلیٹیشن ڈیپارٹمنٹ کے سربراہ لیمور لوریا نے کہا کہ ہسپتالوں میں زخمیوں کو نکالنے کے لیے تیزی سے کام کیا جا رہا ہے تاکہ نئے زخمیوں کو لایا جا سکے۔

لوریا نے مزید کہا کہ دفاعی بحالی کے محکمے کو روزانہ اوسطاً 60 زخمیوں کو داخل کرنا پڑتا ہے۔

اسرائیلی میڈیا نے رپورٹ کیا کہ وزارت دفاع نے 7 اکتوبر سے زخمی ہونے والے 2,000 فوجیوں کو معذور تسلیم کیا ہے۔

تباہ کن بمباری اور "مکمل محاصرہ"

اسرائیل نے 7 اکتوبر کو حماس کے ایک غیر معمولی حملے کے جواب میں غزہ پر تباہ کن بمباری شروع کر دی ہے اور غزہ کا "مکمل محاصرہ" کر دیا ہے۔اس میں اسرائیلی حکام کے مطابق 1,200 افراد ہلاک ہوئے تھے جن میں اکثریت عام شہریوں کی تھی۔

اسرائیلی بمباری کے نتیجے میں غزہ کی پٹی میں 17,000 سے زیادہ لوگ شہید ہوچکے ہیں۔ ان میں تقریباً 70 فصد خواتین اور 18 سال سے کم عمر کے بچے ہیں۔

مقبول خبریں اہم خبریں