مشرق وسطیٰ

اسرائیل کا غزہ پر حملے اور مواصلاتی بلیک آؤٹ جاری رکھنے پر اصرار

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

اسرائیلی فوج کے چیف آف جنرل اسٹاف ہرزی حلوی کا کہنا ہے کہ غزہ میں جنگ ابھی کئی ماہ تک جاری رہ سکتی ہے۔

حلوی نے اپنے ایک حالیہ ٹیلی ویژن خطاب میں کہاکہ غزہ پٹی کی گنجان آبادی میں حماس کے عسکری ونگ کے خلاف ایک ''پیچیدہ ماحول‘‘ میں جنگ ہو رہی ہے۔ ''لہٰذا یہ جنگ کئی ماہ تک جاری رہے گی اور ہم مختلف طریقوں سے اسے انجام دیں گے۔ تاکہ ہمیں حاصل ہونے والی کامیابیاں آئندہ کے لیے بھی محفوظ رکھی جا سکیں۔‘‘

اسرائیلی فوج کے سربراہ نے کہا، ''دہشت گرد تنظیم کو ختم کرنے کے لیے مستقل اور پرعزم لڑائی کے علاوہ کوئی دوسرا جادوئی حل یا شارٹ کٹ نہیں ہے اور ہم اس حوالے سے بہت پرعزم ہیں۔‘‘ ہرزی حلوی نے مزید کہا، ''ہم حماس کی قیادت تک بھی پہنچیں گے، خواہ اس میں ایک ہفتہ یا پھر مہینوں لگیں۔‘‘

انہوں نے زور دے کر کہا کہ شمالی غزہ میں اسرائیلی فوج حماس کو ختم کرنے کے قریب پہنچ گئی ہے۔ انہوں نے کہا، ''فی الحال ہم اپنی کوششوں کو جنوبی غزہ پٹی میں خان یونس، مرکزی کیمپوں اور دیگر علاقوں پر مرکوز کر رہے ہیں۔‘‘

خیال رہے کہ اقو ام متحدہ کے انسانی حقوق کے دفتر نے منگل کے روز وسطی غزہ میں اسرائیلی بمباری پر تشویش کا اظہار کیا تھا۔

مقبول خبریں اہم خبریں

مقبول خبریں