دبئی: ریٹائرڈ افراد کو کاروبار میں معاونت کے لیے امدادی پروگرام کا آغاز

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

دبئی نے ریٹائرمنٹ لینے والے اور ریٹائر ہونے کے قریب اماراتی سرکاری ملازمین کو کاروبار قائم کرنے میں معاونت کے لیے فوائد اور مراعات پر مشتمل ایک امدادی پروگرام کا آغاز کیا ہے جو دبئی سوشل ایجنڈا 33 کا حصہ ہے۔

"دبئی کے ریٹائرڈ افراد کے منصوبوں کے لیےامدادی پروگرام" اماراتی شہریوں کو فوائد اور مراعات کی پیشکش کرتا ہے جن میں حکومتی منصوبے تفویض کرنے میں ترجیح، ان کے مستقبل کے منصوبوں کے لیے مالی معاونت، پانچ سال کے لیے سروس فیس سے استثنیٰ اور شاندار منافع کو یقینی بنانے کے لیے ان کے منصوبہ جات میں مشاورت فراہم کرنا شامل ہیں۔

اس پروگرام میں ریٹائرمنٹ کے قریب پہنچ جانے والے اماراتی حکومتی ملازمین بھی شامل ہوں گے۔

اس پروگرام کا مقصد ان کے مالی استحکام میں اضافےکے لیے انہیں ایک اضافی ذریعۂ آمدن فراہم کرنا جبکہ چھوٹے اور درمیانے کاروباروں (ایس ایم ایز) میں شمولیت کے ذریعے ان کی قابلیت اور مہارتوں سے استفادہ کرنا ہے۔

اماراتی نیوز ایجنسی (وام) کے مطابق دبئی پولیس اور دبئی محکمۂ اقتصادیات و سیاحت کے نمائندہ محمد بن راشد ایسٹیبلشمنٹ فار دبئی ایس ایم ای نے بدھ کو اس مقصد کے لیے مفاہمت کی یادداشت پر دستخط کیے۔

ریٹائرڈ اور ریٹائرمنٹ کے قریب ملازمین کی مہارت اور خصوصی صلاحیتوں کی باقاعدگی سے تازہ کاری اور نگرانی کے لیے دبئی پولیس جنرل کمانڈ ایک ڈیٹابیس کا آغاز کرے گا۔ امارات کو چھوٹے اور درمیانے کاروباروں کے مرکز میں بدلنے کے مقصد کے تحت اس ڈٰیٹابیس سے ان خدمات میں سہولت ملے گی جو ریٹائرڈ افراد کے تجربات سے مطابقت رکھتی ہوں اور دبئی ایس ایم ای کے ذریعے انہیں مارکیٹ میں داخل ہونے کے لیے تیار کریں۔

اس پروگرام کے تحت آنے والے افراد کو دبئی میں قائم نجی کمپنیوں کے کاروباری منصوبہ جات میں اشتراک کے مواقع بھی ملیں گے۔

پروگرام کی دیگر خدمات میں استفادہ کرنے والے افراد کو زندگی کے اگلے مرحلے کے لیے منصوبہ بندی میں مشاورت فراہم کرنا شامل ہے تاکہ ایک پرمسرت ریٹائرمنٹ اور معاشرے میں ان کے مثبت کردار کے تسلسل کو یقینی بنایا جائے۔

مقبول خبریں اہم خبریں

مقبول خبریں