سعودی عرب کی موضی الکنہل کےلیے 2023ء کی ای گیمز کی بہترین کھلاڑی کا اعزاز

پہلی اشاعت: آخری اپ ڈیٹ:
مطالعہ موڈ چلائیں
100% Font Size

سعودی عرب کی ’ای گیمز‘ کی کھلاڑی موضی الکنہل کو گذشتہ سال کے دوران مملکت کی بہترین ’ای سپورٹس‘ کھلاڑی قرار دیا گیا ہے۔

موضی ای سپورٹس کی دنیا میں مزید ایوارڈز جیتنے کا سلسلہ جاری رکھے ہوئے ہیں۔ انہوں نے الیکٹرانک گیمز کے شعبے میں 2023ء کے لیے سال کی بہترین خاتون کھلاڑی کا ایوارڈ اپنے نام کیا۔

اس سے قبل 2022ء کے دوران بھی انہوں نے بہترین ای گیمز کھلاڑی کا اعزاز حاصل کیا۔اس کے علاوہ سعودی لیگ میں پہلی پوزیشن اور عرب- افریقی لیگ میں پہلی پوزیشن کا اعزاز حاصل کرکے مملکت کا نام روشن کیا۔

’العربیہ ڈاٹ نیٹ‘ سے بات کرتے ہوئے الکنہل نے الیکٹرانک کھیلوں سے اپنی محبت کو مستقل اور جاری قرار دیتے ہوئے کہا کہ جیتنے کا احساس ناقابل بیان ہے۔ یہ اعزاز ’ای گیمز‘ کے میدان میں مزید کامیابیاں حاصل کرنے میں میری حوصلہ افزائی کرے گا۔ میں بچپن سے ہی ان کھیلوں کو پسند کرتی تھی۔ میں محسوس کرتی ہوں کہ یہ مقابلے کے جذبے سے بھرے ہوئے ہیں اور یہ کھیل میرے ساتھ ساتھ جاری رہیں گے‘‘۔

انہوں نے مزید کہا کہ "میں نے ٹورنامنٹس میں شرکت کے ذریعے کھیلوں سے اپنی محبت کو عملی شکل دی۔ میں تقریباً روزانہ 3 سے 4 گھنٹے تک پریکٹکس کرتی ہوں اور یہی چیز ہے جس نے مجھے شاندار کامیابیوں سے ہم کنار کیا۔

مقبول خبریں اہم خبریں