ایران نے بھارتی سیاحوں کو 15 دن کے لیے ویزا فری انٹری دینے کا اعلان کر دیا

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

ایران نے بھارتی سیاحوں کے لیے 15 دن کی ویزا فری انٹری کا اعلان کیا ہے، ایران کی جانب سے نئی پالیسی کے تحت ہر 6 ماہ بعد بھارتی باشندے بغیر ویزا ایران جا کر 15 دن کا قیام کر سکیں گے۔

بھارتی میڈیا رپورٹس کے مطابق نئی دہلی میں موجود ایرانی سفارت خانہ کے مطابق بھارتی پاسپورٹ کے حامل افراد ویزے کے بغیر 15 کے لیے ایران جا سکیں گے۔ ایران کی جانب سے نئی پالیسی بنائی گئی جس کے تحت ہر 6 ماہ بعد بھارتی باشندے ویزا لیے بغیر 15 دن کے لیے ایران میں قیام کر سکیں گے۔

ایران کی جانب سے جاری کردہ نئی پالیسی کے مطابق صرف سیاحوں کو ویزا کے بغیر آنے کی اجازت ہوگی اور 15 دن کی مدت میں توسیع نہیں کی جائے گی۔ اس کے علاوہ تعلیم، کاروبار یا ملازمت کی غرض سے آنیوالے بھارتیوں کے لیے ویزے کا حصول لازم قرار دیا گیا ہے۔

ایرانی سفارتخانے کے مطابق ویزا کے بغیر آنے والے بھارت کے سیاح صرف فضائی سفر کے ذریعے ہی ایران میں آسکیں گے۔ اور نقل و حمل کے دیگر طریقوں کا استعمال کرنے والے مسافر اب بھی ویزا کے تقاضوں سے مشروط ہوسکتے ہیں۔

بھارتی میڈیا کے مطابق دونوں ملکوں کے درمیان ثقافتی رشتوں کو بڑھانے اور سیاحت کو فروغ دینے کے لیے ویزا فری انٹری کا قدم اٹھایا گیا ہے۔

واضح رہے کہ اس سے قبل بھارتی پاسپورٹ کے حامل افراد کو تھائی لینڈ، ویتنام، ملائیشیا اور سری لنکا نے بھی بغیر ویزا انٹری کی سہولت دے رکھی ہے۔

مقبول خبریں اہم خبریں

مقبول خبریں