سعودی عرب اور امارات میں رمضان کا چاند نظر آ گیا، پہلا روزہ پیر کو ہو گا

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

سعودی عرب میں اتوار 10 مارچ کو رمضان کا چاند نظر آ گیا ہے، پیر 11 مارچ کو پہلا روزہ ہو گا۔ رصدگاہ سدیر میں رمضان کا چاند نظر آنے کی تصدیق کی گئی ہے۔

ایوان شاہی نے بیان میں کہا کہ’ پیر 11 مارچ 2024 کو رمضان المبارک کا پہلا روزہ ہے‘۔ سپریم کورٹ کے ماتحت رویت ہلال کے ادارے نے مملکت میں رمضان کا چاند نظر آنے کی توثیق کی ہے۔

علاوہ ازیں متحدہ عرب امارات اور قطر میں بطی رمضان کا چاند نظر آ گیا۔ ان ممالک میں بھی پیر کو پہلا روزہ ہو گا۔

یاد رہے کہ سعودی سپریم کورٹ نے مملکت میں اتوار کی شام رمضان المبارک کا چاند دیکھنے کی اپیل کی تھی۔ ام القری کیلنڈر کے مطابق اتوار 10 مارچ کو شعبان کی 29 تاریخ ہے۔

بیان میں کہا گیا تھا کہ مملکت میں جس شخص کو بھی ماہ رمضان کا چاند دکھائی دے وہ اپنی گواہی قریب ترین عدالت میں دے۔

چاند دیکھنے کی گواہی کے لیے اگر عدالت تک جانا ممکن نہ ہو تو قریبی سینٹر سے ٹیلی فون پر چاند دیکھنے کی شہادت کے بارے میں اطلاع دی جائے۔

مقبول خبریں اہم خبریں

مقبول خبریں